قوعام • 17 جەلتوقسان, 2024

«دەنى ساۋ جانە باقىتتى ۇرپاق تاربيەلەيمىز» اتتى فوتوسۋرەتتەر بايقاۋى باستالدى

100 رەت
كورسەتىلدى
3 مين
وقۋ ءۇشىن

«سالاۋاتتى تاماقتانۋ مەكتەبى» باعدارلاماسى اياسىندا «دەنى ساۋ جانە باقىتتى ۇرپاق تاربيەلەيمىز» اتتى اۋقىمدى فوتوبايقاۋ باستالدى. بۇل وقۋشىلار مەن ولاردىڭ وتباسىلارى ءۇشىن دەنساۋلىقتارىنا قالاي كۇتىم جاسايتىنىندارى تۋرالى بولىسۋگە تاماشا مۇمكىندىك, دەپ حابارلايدى Egemen.kz.

«دەنى ساۋ جانە باقىتتى ۇرپاق تاربيەلەيمىز» اتتى فوتوسۋرەتتەر بايقاۋى باستالدى

فوتو:eurasia-assembly.org

بايقاۋ وتاندىق وتباسىلاردى سالاۋاتتى ءومىر سالتىن ۇستاناتىن ناعىز بەلسەندى بولۋعا شابىتتاندىرۋعا, دەنساۋلىقتى ساقتاۋدى بۇكىل وتباسى ءۇشىن قىزىقتى ءىس-ارەكەتكە اينالدىرۋعا ارنالعان.

ءتورت تاقىرىپتىق كەزەڭگە بولىنگەن بايقاۋ 2024 جىلدىڭ جەلتوقسانىندا باستالىپ, 2025 جىلدىڭ ساۋىرىنە دەيىن جالعاسادى:

  • 1-كەزەڭ: «انام, اكەم, مەن – اسپاز وتباسى» (جەلتوقسان 2024 ج.). قاتىسۋشىلار فوتوسۋرەتتەردى وزدەرىنىڭ اسپازدىق حوببيلەرى مەن تاعامعا قاتىستى وتباسىلىق داستۇرلەرى تۋرالى ايتۋ ءۇشىن پايدالانادى.
  • 2-كەزەڭ «قىس ەرتەگىسى» (2024 ج. قاڭتار). قىس - جاتتىعۋعا تاماشا ۋاقىت! ەگەر ماعان سەنبەسەڭىز... ءبىزدىڭ قاتىسۋشىلار مۇنى سىزگە دالەلدەپ بەرەدى!
  • 3-كەزەڭ «مەنىڭ وتباسىمنىڭ سپورتتىق قالاۋلارى» (2025 ج. اقپان). فۋتبول, گيمناستيكا, باسكەتبول. قاتىسۋشىلاردىڭ وتباسىندا تاعى قانداي سپورتتىق قالاۋ بار؟
  • 4-كەزەڭ «تابيعاتتى ايالاۋ» ء(ساۋىر 2025 ج.). دەنساۋلىققا قامقورلىق - قورشاعان ورتاعا قامقورلىق. ءبىزدىڭ قاتىسۋشىلار سىزدەرگە وتباسىلىق ەكو-داستۇرلەر تۋرالى ايتىپ بەرەدى.

«دۇرىس تاماقتانۋ – جاي عانا تەڭدەستىرىلگەن تاماقتانۋ ەمەس, ول بالالارىمىزدىڭ بولاشاعىن ايقىندايتىن ءومىر سالتىنىڭ نەگىزى. اتالمىش بايقاۋ وقۋشىلارعا جانە ولاردىڭ وتباسىلارىنا شىعارماشىلىق پروتسەستە باس قوسا وتىرىپ, وزدەرىنىڭ ادەتتەرىن قايتا قاراۋعا مۇمكىندىك بەرەدى. ءبىز مۇنداي باستامالارعا قاتىسۋ – دەنساۋلىقتى جاقسارتۋعا اسەر ەتىپ قانا قويماي, بىرلەسكەن جەتىستىكتەر مەن ءىس-شارالاردان وتباسىلاردىڭ ومىرىنە قۋانىشتى ساتتەر سىيلايتىنىنا سەنىمدىمىز», دەدى الماتى قالاسى ءبىلىم باسقارماسىنىڭ ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ «سالاۋاتتى تاماقتانۋ مەكتەبى» باعدارلاماسىنىڭ ۇيلەستىرۋشىسى تاتيانا ەجوۆا.

بايقاۋعا قازاقستاننىڭ بارلىق مەكتەپ وقۋشىلارى مەن ولاردىڭ اتا-انالارى قاتىسا الادى. بايقاۋ جوبانىڭ prav-pit.kz سايتىندا وتكىزىلەدى. ءار كەزەڭ بويىنشا جەڭىمپازدار انىقتالىپ, ۇزدىك جۇمىستارعا سىيلىقتار تابىستالىپ, جوبانىڭ رەسمي ارنالارىندا ورنالاستىرىلادى.

 «دەنى ساۋ جانە باقىتتى ۇرپاق تاربيەلەيمىز» بايقاۋى قازاقستانداعى وتباسىلار ءۇشىن ءوزىن-ءوزى كورسەتۋگە جانە باسقالاردى شابىتتاندىرۋعا تاماشا مۇمكىندىك. وعان قاتىسۋ ءسىزدىڭ ادەتتەرىڭىز بەن داستۇرلەرىڭىزبەن ءبولىسىپ قانا قويماي, سونىمەن قاتار وتباسىلىق قۇندىلىقتارىڭىزدى وزگەلەرگە پاش ەتۋگە ىقپال ەتەدى. بۇل باستامالاردا بالالاردىڭ ءوز دەنساۋلىعىنا قامقورلىق جاساۋدى عانا ەمەس, سونىمەن قاتار وتباسىلىق ادەتتەردىڭ قوعام مەن تابيعاتقا قالاي اسەر ەتەتىنىن ءتۇسىنۋدى ۇيرەنۋى وتە ماڭىزدى. بۇل كوزقاراس ءبىزدى قاۋىمداستىق رەتىندە نىعايتادى جانە وڭ وزگەرىستەرگە شابىتتاندىرادى», دەدى «سالاۋاتتى تاماقتانۋ مەكتەبى» باعدارلاماسىنىڭ ۇيلەستىرۋشىسى, استانا قالاسى اكىمدىگىنىڭ ادىستەمەلىك ورتالىعىنىڭ ادىسكەرى روزا شاياحانوۆا.

ۇيىمداستىرۋشىلاردىڭ ايتۋىنشا, بايقاۋ بۇكىل قازاقستان بويىنشا مىڭداعان وتباسىلاردى ءومىر سالتىنا وڭ وزگەرىستەر ەنگىزۋگە شابىتتاندىراتىن جارقىن وقيعا بولادى.

قوسىمشا اقپارات پەن بايقاۋ ەرەجەلەرى prav-pit.kz سايتىندا جاريالانعان.

 

سوڭعى جاڭالىقتار