فوتو: polisia.kz
الماتى قالاسىنىڭ 35 جاستاعى تۇرعىنى جاز ۋاقىتىندا تۋىستارىنىڭ قوناققا كەتكەنىن پايدالانىپ, پاتەرىندەگى باعالى بۇيىمدارىن ۇرلاعان.
قىلمىستى تەرگەۋ بارىسىندا, جابىرلەنۋشىنىڭ كۇيەۋ بالاسى ايەلىنىڭ ءسىڭلىسى قوناققا كەلگەندە كىلتتىڭ كوشىرمەسىن جاساتقان. باسقا كۇنى تالدىقورعانعا ارنايى بارىپ, ۇيىندە جوق ەكەنىنە كوز جەتكىزگەن سوڭ پاتەرگە كىرگەن. ول ۇيدەن «Cartier» ماركالى التىن اشەكەيلەر مەن قۇندى كۇزەن قالپاعىن قولدى ەتكەن.
ۇرلانعان زاتتاردى لومباردقا وتكىزگەنمەن, 810 مىڭ تەڭگە قارجىلىق شىعىندارىن جاپپاعان. سوندىقتان كۇدىكتى ەكىنشى رەت پاتەرگە قايتا ورالىپ, التىن جۇزىك, سىرعالاردى الىپ شىققان.
«تەرگەۋ بارىسىندا پوليتسيا قىزمەتكەرلەرى قىلمىسكەردىڭ جەكە باسىن انىقتاپ, ونى ۇستادى. كۇدىكتى ءوز ارەكەتىن ماتەريالدىق قيىندىقتارعا بايلانىستى جاساعانىن مويىندادى. قازىرگى تاڭدا ول قاماۋعا الىنىپ, سوتقا دەيىنگى تەرگەۋ امالدارى جالعاسىپ جاتىر», دەلىنگەن ءىىم حابارلاماسىندا.
