قىتايدا پارا العان شەنەۋنىك ءولىم جازاسىنا كەسىلدى

تاسس اقپارات اگەنتتىگىنىڭ حابارلاۋىنشا, لي تسزيانپين حوححوت (ىشكى موڭعوليا اۆتونوميالىق اۋدانىنىڭ اكىمشىلىك ورتالىعى, سولتۇستىك قىتاي) تەحنو-ەكونوميكالىق دامۋ ايماعىنىڭ جۇمىس كوميتەتىنىڭ حاتشىسى بولىپ جۇمىس ىستەگەن. وعان ۇرلىق جانە پارا ارقىلى 3,06 ميلليارد يۋان (شامامەن 426 ميلليون دوللار) يەمدەندى دەگەن ايىپ تاعىلدى.

قىتاي حالىق رەسپۋبليكاسىنىڭ جوعارعى حالىق سوتىنىڭ جولداۋىندا كورسەتىلگەندەي, لي تسزيانپين اتى اتالماعان مەملەكەتتىك كومپانيادان الاياقتىق جولمەن 1,43 ميلليارد يۋاننان (199 ميلليون دوللار) استام اقشانى يەمدەنىپ العان. سونداي-اق ول 577 ميلليون يۋان (80 ميلليون دوللار) پارا الىپ, 1,06 ميلليون يۋان (147 ميلليون دوللار) جىمقىرعان. قاراجاتتىڭ جارتىسىن قايتارۋ مۇمكىن بولمادى. 

پارا مەن ۇرلىقتان باسقا, سوتتالۋشى «زاڭسىز جانە قىلمىستىق ءىس-ارەكەتتە ءسوز بايلاسۋ» ءۇشىن سوتتالدى. ونىڭ بارلىق جەكە مۇلكى تاركىلەندى.

سوت لي ءتسزيانپيندى 2022 جىلى ءولىم جازاسىنا كەستى. ول اپەللياتسيالىق شاعىم ءتۇسىردى, بىراق 2024 جىلدىڭ تامىزىندا ۇكىم ءوز كۇشىندە قالدى.

لي تسزيانپين ءولىم جازاسىنا كەسىلمەس بۇرىن جاقىن تۋىستارىمەن كەزدەستى.