قازاقستاننىڭ قورعانىس مينيسترلىگى ۇزدىك بلوگەرلەردى ماراپاتتايدى

استانا. 17 ماۋسىم. قازاقستان رەسپۋبليكاسى قورعانىس مينيسترلىگىنىڭ ۇيىمداستىرۋىمەن عالامتورداعى اسكەري تاقىرىپقا ارنالعان بلوگەرلەر اراسىندا ۇزدىك پوست بايقاۋىن جاريالادى. شىعارماشىلىق بايقاۋ قازاقستان رەسپۋبليكاسى قارۋلى كۇشتەرىنىڭ ءپوزيتيۆتى ءيميدجىن نىعايتۋعا ۇلەس قوسقان جۋرناليستەردى, اسكەري ساراپشىلاردى, مەديا-كاسىپ, قوعام وكىلدەرىن, جەلىلىك جۋرناليستەر مەن بلوگەرلەردى كوتەرمەلەۋگە باعىتتالادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى. بۇگىنگى كۇنى اقپارات اعىنى داۋىرىندە الەۋمەتتىك جەلىدە جازۋ جازاتىن بلوگەردىڭ ءرولى ايرىقشا. بلوگەرلەردىڭ قوزعالىسى نەمەسە «ازاماتتىق جۋرناليستيكا» جانە ول كوتەرەتىن تاقىرىپتار ءتيىستى لاۋازىمدى تۇلعالار تاراپىنان نازارعا الىنادى جانە كوپتەگەن جاعدايلاردا ءارتۇرلى پروبلەمالاردى شەشۋدە وڭ ناتيجەلەرگە قول جەتكىزەدى. قارۋلى كۇشتەردەگى وڭ وزگەرىستەر, اسكەري قىزمەت پەن اسكەري سالت-داستۇرلەردى, اسكەري قىزمەتشىلەردىڭ ەر جۇرەكتىگى مەن باتىلدىعىنىڭ زاماناۋي ۇلگىلەرى تۋرالى قوعامدى اقپاراتتاندىرىپ, ەل اراسىندا اسكەري قىزمەت پەن اسكەري ءداستۇردى ناسيحاتتاپ جۇرگەن بلوگەرلەر ارميالىق قىزمەتتىڭ ابىرويىن ارتتىرىپ ءجۇر. بايقاۋعا تانىمال عالامتور-تۇعىرنامالاردا جالپىعا قولجەتىمدى بلوگتاردى جۇرگىزەتىن ەلىمىزدىڭ ازاماتتارى, تاۋەلسىز جۋرناليستەر, بلوگەرلەر قاتىسا الادى. ۇمىتكەرلەر 2015 جىلعى قاڭتاردىڭ 1-ءى مەن قىركۇيەكتىڭ 20-ى ارالىعىندا الەۋمەتتىك جەلىلەر مەن بلوگتاردا جاريالانعان قارۋلى كۇشتەردىڭ قىزمەتىنە ارنالعان ينتەرنەت-جاريالانىمداردى (ماقالالار, ەسسە, سۇحبات, سۋرەتتەمەلەر جانە ت.ب.) ۇسىنۋى قاجەت. جەڭىمپازدار «باستى كاليبر» – اسكەري تاقىرىپتى جاريالاۋعا قوسقان ۇلەسى نوميناتسياسى, «قۇلاعى تۇرىك» – ۇزدىك اناليتيكالىق پوست نوميناتسياسى, «ارت-وبسترەل» – ۇزدىك فوتورەپورتاج اتالىمى بويىنشا انىقتالادى. ءار اتالىمدا ءبىر جەڭىمپاز ماراپاتتالادى. بايقاۋ جانە ونى وتكىزۋ شارتتارى تۋرالى قوسىمشا اقپاراتپەن قورعانىس مينيسترلىگىنىڭ mod.gov.kz رەسمي سايتىندا «اسكەري پوست» بولىمىندە تانىسۋعا بولادى. تالعات رايىمبەك. دەرەك: قورعانىس مينيسترلىگىنىڭ ءباسپاسوز قىزمەتى. سۋرەت: alashainasy.