فوتو: ۇوك| سالي سابيروۆ
باس باپكەر ۇلتتىق وليمپيادالىق كوميتەتكە بەرگەن سۇحباتىندا ازيا چەمپيوناتىنىڭ فينالىنداعى ەكى باسەكە بويىنشا تورەشىلەر شەشىمىمەن كەلىسپەيتىنىن اتاپ ءوتتى.
ء«بىز تەك ەكى سالماقتاعى ناتيجەگە كەلىسپەيمىز: 48 جانە 71 كەلى. باسقا فينالدىق كەزدەسۋلەردە بارلىق جەڭىلىستەر ءادىل بولدى. مەن ءبىزدىڭ كەمشىلىكتەرىمىزدى بايقادىم. الداعى ۋاقىتتا قاتەلىكتەرمەن جۇمىس ىستەيمىز. سونىمەن قاتار جاتتىعۋلار فيزيكالىق دايىندىق پەن تەحنيكانى جاقسارتۋعا باعىتتالادى. مەنىڭ ويىمشا, ءبارى دە ءساتتى بولادى. جىگىتتەردىڭ الەۋەتى مىقتى, مۇمكىندىكتەرى مول. سونداي-اق, نۇربەك ورالباي مەن بىرنەشە بوكسشى جارىسقا قاتىسپادى», دەدى قايرات ءساتجانوۆ.
باس باپكەر ازيا دوداسىنىڭ چەمپيوندارى مەن جۇلدەگەرلەرى 1 اپتادان كەيىن باستالاتىن قازاقستان بىرىنشىلىگىنەن بوساتىلاتىنىن مالىمدەدى.
«بىزدە قوسالقى قۇرام مىقتى. جاس سپورتشىلاردى ۇلتتىق قۇراماعا شاقىرامىز. جاقىندا قازاقستان چەمپيوناتى وتەدى. بىراق وعان اچ مەداليستەرى قاتىسپايدى, ويتكەنى دايىندىق ءۇشىن ۋاقىت جوق. سونداي-اق, تايلاندتا جەڭىمپاز اتانعان, ەل چەمپيوناتىندا جەڭىسكە جەتكەندەر ۇلتتىق قۇرامانىڭ ءبىرىنشى ءنومىرى بولىپ ەسەپتەلەدى», دەدى باس باپكەر.
ايتا كەتەيىك, ازيا چەمپيوناتىنىڭ فينالىنا جەتكەن ەرلەر قۇراماسىنداعى 9 بوكسشىنىڭ تورتەۋى التىن مەدال ەنشىلەدى.
