قوستانايدا استىق جينايتىن New Holland كومباينى شىعارىلادى

قوستاناي. 17 ماۋسىم.  "اگروماشحولدينگ" زاۋىتىندا وزدىگىنەن جۇرەتىن New Holland كومباينىنىڭ TC 5080 جانە TC 9.505 مودەلدەرى قۇراستىرىلا باستادى. بۇل تۋرالى egemen.kz ءتىلشىسى حابارلادى. كومبايننىڭ بۇل ەكى مودەلى دە ءوز كلاسىندا ەڭ امبەباپ, ءونىمدى جۇمىس ىستەيتىن ماشينالار بولىپ سانالادى. ولاردىڭ جانار-جاعار ماي سىيىمدىلىعى 6.400 ليتر. سونىمە قاتار جانار-جاعار مايعا ۇنەمدىلىگى دە ونى بارلىق ءداندى داقىلدار جيناۋعا سالۋعا مۇمكىندىك بەرەدى. "اگروماشحولدينگ"  زاۋىتى بىرلەسىپ ءوندىرىستى باستاعان CNH Industrial كومپانياسى وندىرىستىك-تەحنيكالىق سالادا ءونىم وندىرۋدەن الەمدەگى ليدەرلەردىڭ ءبىرى, وڭدەۋ ونەركاسىبىندە كوپ جىلعى تاجىريبەسى بار, وندىرگەن ءونىم تۇرلەرىنىڭ كوپتىگىنەن دە الەمدە مويىندالعان.   CNH I اۋىل شارۋاىلىعى نارىعىندا جانە قۇرىلىس جابدىقاتارى, سونداي-اق كوممەرتسيالىق كولىك سالاسىندا دا جۇمىس ىستەيدى. قازاقستان نارىعىن تەرەڭ زەرتتەگەن CNH I "اگروماشحولدينگكە" توقتادى. قوستانايلىق زاۋىتپەن ولار اتالعان جوبانى ىسكە اسىرۋ جۇمىستارىن باستادى. "اگروماشحولدينگ" اق باسقارماسىنىڭ توراعاسى الەكسەي سيدورەنكو: «بۇل ىنتىماقتاستىق "اگروماشحولدينگ"  زاۋىتىمەن بۇرىننان كەلە جاتقان قارىم-قاتىناستى كەڭەيتۋدىڭ ناتيجەسى دە بولىپ تابىلادى.  "اگروماشحولدينگتە" CNH Industrial توبىنا كىرەتىن Iveco كوممەرتسيالاق اۆتوموبيل شىعارۋ جولعا قويىلعان», دەدى. ءنازيرا جارىمبەتوۆا. دەرەك, سۋرەت: egemen.kz