سولتۇستىكقازاقستاندىق وقۋشى ازيا چەمپيونى اتاندى

پەتروپاۆل. 17 ماۋسىم. وبلىستىق سپورتقا ماماندىرىلعان مەكتەپ-ينتەرناتتىڭ وقۋشىسى ەۆگەني گوربۋزنياك گرەك-ريم كۇرەسىنەن ازيا چەمپيونى اتاعىن جەڭىپ الدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ماماندارى حابارلادى. ەۆگەني قاراعاندى وبلىسىنىڭ ساران قالاسىندا تۋعان. گرەك-ريم كۇرەسىمەن جاستايىنان اينالىسىپ كەلەدى.  سپورت شەبەرىنىڭ كانديداتى.  ەل جانە حالىقارالىق جارىستاردىڭ بىرنەشە مارتە جەڭىمپازى. ونى تاجىريبەلى جاتتىقتىرۋشى س. قۇسايىنوۆ جاتتىقتىرادى. 11-14 ماۋسىم ارالىعىندا ءۇندىستاننىڭ نيۋ-دەلي قالاسىندا جاسوسپىرىمدەر اراسىندا وتكەن ازيا چەمپيوناتىندا ول 85 كيلوعا دەيىن سالماقتا قازاقستاننىڭ نامىسىن ابىرويمەن قورعادى. بارلىق قارسىلاسىنىڭ جاۋىرىنىن جەرگە تيگىزىپ, التىننان القا تاقتى. قازاقستان قۇراماسىنىڭ بەلدى مۇشەسىن جەرلەستەرى ۆوكزال باسىندا قۇشاق-قۇشاق گۇلدەرمەن قارسى الدى. ءومىر ەسقالي. دەرەك: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسى. سۋرەت: egemen.kz