فوتو: dimashnews.com
ءتىلاشار شىعارۋ يدەياسى «ديماش راديوسىندا» وتكىزىلگەن قازاق ءتىلى كۋرستارى اياسىندا باستالعان. راديو تىڭدارماندارى وسى كۋرستىڭ ارقاسىندا قازاقستانعا ساپار شەگۋ سياقتى تاقىرىپتاردا نەگىزگى سوزدەر مەن ءسوز تىركەستەرىن ۇيرەنگەن. كۋرستار الماتىلىق وقىتۋشى بەگلان شارىمباەۆتىڭ كومەگىمەن وتكىزىلگەن. ول فان-كلۋبقا ساباق ءوتىپ, قازاقشا دۇرىس سويلەۋدى مەڭگەرۋگە كومەكتەسكەن.
وقۋ پروتسەسىنىڭ ەرەكشەلىگى پولياك تىلىندەگى قازاق سوزدەرىنىڭ فونەتيكالىق ترانسكريپتسياسىن دايىنداۋ بولعان. ۋاقىت وتە كەلە قاتىسۋشىلار بارلىق جيناقتالعان ماتەريالداردى بىرىكتىرىپ, كىتاپ شىعارۋعا شەشىم قابىلداعان.
سوزدىكتى ازىرلەۋگە: قازاق ءتىلى وقىتۋشىسى – بەگلان شارىمباەۆ; يلليۋستراتور – يۆونا وپارا-ستاحولەتس; كوررەكتور – ۋلا ۆلودارسك; قازاق ءتىلى كۋرستارىنىڭ اۆتورى, سونىمەن قاتار, جۇرگىزۋشىسى – تەرەزا كونكول قاتىسقان.
ءتىلاشار ديماشتىڭ جانكۇيەرلەرىن قازاق ءتىلىنىڭ نەگىزدەرىمەن تانىستىرىپ قانا قويماي, ءارتۇرلى يلليۋستراتسيالاردىڭ ارقاسىندا وقۋ پروتسەسىن جەڭىلدەتەدى. اۆتورلاردىڭ پىكىرىنشە, شاعىن كىتاپ ساياحاتشىلار ءۇشىن قازاقستاننىڭ كوركەم جەرلەرىمەن تانىسۋعا پايدالى نۇسقاۋلىق بولماق. سونىمەن قاتار ديماشتىڭ جانكۇيەرلەرىن ونىڭ مادەنيەتىن تەرەڭىرەك زەرتتەۋگە شابىتتاندىرادى.
«مەن ءبىزدىڭ بۇل جۇمىسىمىزدى ماقتان تۇتامىن. ديماشتىڭ بۇل پولياك فان-كلۋبى ونىڭ شىعارماشىلىعىنا قولداۋ كورسەتىپ قانا قويماي, قازاق ءتىلىن كەڭىنەن ناسيحاتتايتىندىعىنىڭ تاعى ءبىر دالەلى», دەدى تەرەزا كونكول.
