جوعارعى سوتتىڭ سۋديالارى مەن سوت اكىمشىلىگىنىڭ قىزمەتكەرلەرى بيليارد, ۇستەل تەننيسى, شاحمات جانە دويبىدان سايىسقا ءتۇستى.
جوعارعى سوت توراعاسى اسلامبەك مەرعاليەۆ قاتىسۋشىلاردى قۇتتىقتاپ, تۋرنير ارىپتەستەردىڭ سالاۋاتتى ءومىر سالتىن ۇستانۋىن نىعايتا تۇسەتىنىنە سەنىم ءبىلدىردى.
سوت اكىمشىلىگىنىڭ باسشىسى نايل احمەتزاكيروۆ بارلىعىنا ساتتىلىك پەن جەڭىس تىلەدى.
ءىس-شاراعا قر ۇستەل تەننيسى فەدەراتسياسىنىڭ باس حاتشىسى دانيل پاك, ۇستەل تەننيسىنەن حالىقارالىق دارەجەدەگى باس باپكەر داۋلەت ىسقاقوۆ, شاحمات پەن دويبىدان حالىقارالىق دارەجەدەگى تورەشى باحتيار نۇعىمانوۆ جانە بيلياردتان ۇلتتىق ساناتتاعى تورەشى ەربولات جۇماعۇلوۆ قوناق رەتىندە قاتىستى.
«تۋرنيرگە قاتىسقان ەلۋگە جۋىق قاتىسۋشىلاردىڭ اراسىندا جارىس قورىتىندىسى بويىنشا جەڭىمپازدار انىقتالىپ, ولار گراموتالارمەن, كۋبوكتارمەن, مەدالدارمەن جانە سىيلىقتارمەن ماراپاتتالدى», دەلىنگەن حابارلامادا.
سونداي-اق, قاتىسۋشىلار بيليارد بويىنشا «ۇزدىك پارتيا», «شەبەر قول», «جۇلدىزداي جارقىلداعان», «ۇتقىر تاكتيكا», «ۇقىپتى ويىنشى», «اسەرلى سوققى», ۇستەل تەننيسى بويىنشا «جوعارى شەبەرلىك», «جەڭىسكە دەگەن ىنتا», «كەرەمەت تەحنيكا» جانە شاحمات-دويبى بويىنشا «ستراتەگيالىق ويىن جانە جوعارى دەڭگەيدەگى تاكتيكالىق شەبەرلىك», «جەڭىسكە دەگەن تاباندىلىق», «ەرەكشە ۇزدىك پارتيا» دەگەن اتاۋلار بويىنشا ماراپاتتالدى.
