استانا. 17 ماۋسىم. قىزىلوردا وبلىسىنىڭ كاسىپكەرلەر پالاتاسىندا ايماق كاسىپكەرلەرىنىڭ قاتىسۋىمەن قازاقستان رەسپۋبليكاسى پرەزيدەنتىنىڭ «التىن ساپا» سىيلىعى مەن «قازاقستاننىڭ ۇزدىك تاۋارى» كورمە-كونكۋرسىن باعالاۋ ولشەمىنە قاتىستى وقىتۋ سەمينارى ءوتتى. بۇل تۋرالى قىزىلوردا وبلىسى كاسىپكەرلىك پالاتاسىنىڭ ءباسپاسوز قىزمەتى حابارلاستى.
وقىتۋ سەمينارىن «التىن ساپا» سىيلىعى مەن «قازاقستاننىڭ ۇزدىك تاۋارى» كورمە-كونكۋرسىنا قاتىسۋشىلاردىڭ قۇجاتتارىن قاراپ, باعالاۋدا مول تاجىريبەسى بار ۇزدىك ساراپشى-اۋديتورلار: «اتامەكەن» ۇلتتىق كاسىپكەرلەر پالاتاسىنىڭ الەۋمەتتىك-ەڭبەك قاتىناستارى دەپارتامەنتىنىڭ ساراپشىسى بينارا تولەگەنوۆا مەن «ناتسەكس» اكتسيونەرلىك قوعامىنىڭ ساراپشىسى ولگا لەنەۆا وتكىزدى.
جوعارىدا اتالعان شارالارعا قاتىستى «اتامەكەن» ۇلتتىق كاسىپكەرلەر پالاتاسىنىڭ الەۋمەتتىك-ەڭبەك قاتىناستارى دەپارتامەنتىنىڭ ساراپشىسى بينارا تولەگەنوۆا: «استانا ەكونومكالىق فورۋمىنىڭ قورىتىندى ەسەبىنە سايكەس ءبىز 50 باسەكەگە قابىلەتتى ەلدەردىڭ قاتارىنا ەندىك. باسەكەگە قابىلەتتىلىك – بۇل ءبىرىنشى كەزەكتە حالىقتىڭ تۇرمىس-جاعدايىن جاقسارتۋعا اسەر ەتەتىن بىردەن ءبىر فاكتور بولىپ تابىلادى. قازىر ءبىز اتالمىش شارالارعا قاتىستى تۇجىرىمدامالار ازىرلەدىك. وسى تالاپتارعا سايكەس «التىن ساپا» سىيلىعى مەن «قازاقستاننىڭ ۇزدىك تاۋارى» كورمە-كونكۋرسى وتكىزىلەتىن بولادى», – دەدى.
سەمينارعا وڭىردەگى شاعىن جانە ورتا كاسىپكەرلىك سۋبەكتىلەرىنىڭ وكىلدەرى مەن ساراپشىلار قاتىستى. شارا قورىتىندىسىمەن قاتىسۋشىلارعا ارنايى سەرتيفيكاتتار تابىس ەتىلدى.
ايتا كەتەيىك, «التىن ساپا» سىيلىعى مەن «قازاقستاننىڭ ۇزدىك تاۋارى» كورمە-كونكۋرسى قاتىسۋعا ۇمىتكەرلەر وتىنىمدەرىن 2015 جىلعى 1 شىلدەگە دەيىن zh.skakova@palata.kz ەلەكتروندى مەكەن-جايىنا جولداي الادى.
تالعات رايىمبەك.
دەرەك, سۋرەت: قىزىلوردا وبلىسى كاسىپكەرلىك پالاتاسىنىڭ ءباسپاسوز قىزمەتى.
