سولتۇستىك قازاقستاندا اسىل تۇقىمدى مال كوبەيىپ كەلەدى

پەتروپاۆل. 17 ماۋسىم. ايماق باسشىسى ەرىك سۇلتانوۆتىڭ قاتىسۋىمەن   ىرى اگروقۇرىلىم جەتەكشىلەرىمەن وتكەن كەڭەستە 2015-2017 جىلدارى مال شارۋاشىلىعىن دامىتۋ ماسەلەلەرى جان-جاقتى تالقىلاندى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. بۇگىندە سولتۇستىكقازاقستاندىقتار ەگىنشىلىكپەن قاتار مال شارۋاشىلىعىن ويداعىداي دامىتىپ كەلەدى. «ءىرى قارا مالىنىڭ ەكسپورتتىق الەۋەتىن ارتتىرۋ» جوباسى اياسىندا   بىلتىر 1,7 مىڭ باسقا ارنالعان 10 اسىل تۇقىمدى رەپرودۋكتور, 2800 باسقا شاقتالعان 5 بورداقىلاۋ الاڭى قۇرىلدى.    «سىباعا», «قۇلان», «التىن اسىق» باعدارلامالارى شەڭبەرىندە 9200 باس ت ۇلىك ساتىپ الىندى.  ناتيجەسىندە اگروقۇرىلىمدارداعى ءىرى قارا مالىنىڭ سانى 53 پايىزعا جەتتى.  بيىل 20 مىڭ باس مال اكەلۋ جوسپارلانعان. جيىندا ءسوز العان «لەونوۆ» شق-نىڭ جەتەكشىسى پاۆەل لەونوۆ ءىرى قارا مالدىڭ سانى قازىرگى كەزدە 585 باستى قۇراپ وتىرعانىن, الداعى ءۇش جىلدا 1500 باسقا دەيىن جەتكىزەتىنىن مالىمدەدى. «ءسۇت وڭدەۋ ءىسىن جولعا قويۋ ماقساتىمەن شەتەلدىك قۇرال-جابدىقتار ساتىپ الدىق. ەندى تاۋلىگىنە 10 توننا ءسۇت وڭدەيتىن تسەحتى ىسكە قوساتىن بولامىز», دەدى پاۆەل ياكوۆلەۆيچ. مامليۋت اۋدانىنداعى «يشيماگرونورد» جشس-ءنىڭ باسشىسى يگور گريشانوۆ الداعى ءۇش جىلدا مال سانىن 5 000 باسقا دەيىن ءوسىرۋدى جوسپارلاپ وتىر. بيىل مال تابىندارى اسىل تۇقىمدى 500 باسپەن تولىققان.  ال, ماعجان جۇماباەۆ اۋدانىنداعى «امانات-اگرو» جشس مال شارۋاشىلىعىن دامىتۋعا كىرىسىپ كەتىپتى. ونى ءۇش جىلدا 1 000 باسقا دەيىن كوبەيتۋ كوزدەلگەن. كەزدەسۋدى قورىتىندىلاعان ەرىك حامزا ۇلى وسى ماسەلە بويىنشا وبلىستىڭ ءاربىر اۋىل شارۋاشىلىعى قۇرىلىمىمەن ءتيىستى كەلىسىم جاسالاتىنىن اتاپ كورسەتىپ, بۇل ورايدا, جۇمىسكەرلەردىڭ جالاقىسىن كوتەرۋ ماسەلەسىن باقىلاۋعا الۋدى تاپسىردى. ءومىر ەسقالي. دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.