«بۇل جيناقتا كورنەكتى زامانداستارىمىز جونىندە جازعان دۇنيەلەرىم بار. وتانعا قىزمەت ەتۋدى پارىزى ساناعان مەملەكەت جانە قوعام قايراتكەرلەرىنىڭ ونەگەلى ءومىرى مەن ەڭبەك جولى وسكەلەڭ ۇرپاققا ۇلگى بولسىن دەدىم. ءوزىم بىرقاتار بەدەلدى ۇجىمداردا قىزمەت جاسادىم. نەبىر جايساڭ ازاماتتارمەن تانىسىپ, سىيلاس بولدىم... عۇمىرىمدا كورگەن جاقسىلىقتار مەن كەزدەسكەن قيىندىقتاردى باياندادىم», دەدى و.جولدىباي.
2017 جىلى ەل تاريحىن تۇگەندەۋ ماقساتىندا اكادەميك, مەديتسينا عىلىمدارىنىڭ دوكتورى پولات قازىمبەتوۆ باستاعان عىلىمي ەكسپەديتسيا قاراقالپاق رەسپۋبليكاسىنداعى بەرۋني قالاسى ماڭىنداعى ابباس اۋليە كەسەنەسى ماڭىندا جەرلەنگەن ناعاناي ءبيدىڭ باسىنا بارىپ, قۇران باعىشتاپ, دۇعا جاسايدى. وسى تانىمدىق تاقىرىپتى قامتىعان ماقالاسىندا اۆتور ناعاناي بي جەرلەنگەن تۇستان قۇتىعا توپىراق سالىپ اكەلىپ, ەلىمىزدىڭ وڭتۇستىك وڭىرىندە اتالعان بيگە ارنالعان ەسكەرتكىش كەشەننىڭ ىرگەسىنە سالىنعانىن جازعان.
كىتاپتىڭ كەلەسى ءبىر بولىمىندە تانىمال قوعام قايراتكەرى ومىرزاق وزعانباەۆتان باستاپ, عالىم دانداي ىسقاق ۇلى, بەلگىلى جازۋشى-جۋرناليستەر قۋاندىق تۇمەنباي, جەڭىس ءباھادۇر, وتەش وتەۋلى ۇلى جانە باسقا ازاماتتاردىڭ ورىنبەك ەندىباي ۇلى تۋرالى جازعان پايىمدى پىكىرلەرى توپتاستىرىلعان. زامانداستارى و.جولدىبايدىڭ ازاماتتىق قادىر-قاسيەتى, قالامگەرلىك شەبەرلىگى تۋرالى سىر شەرتەدى. ورەكەڭنىڭ ەڭبەكقورلىعىن ەرەكشە اتاپ وتەدى. يگىلىكتى ىستەردى اتقارۋعا جۇمساعان قاجىر-قايراتى وزىنە ابىروي بولىپ ورالعان.
ايتا كەتۋ كەرەك, ورىنبەك جولدىبايدىڭ ءار جىلدارى «زامانا كەلبەتى», «ۋاقىت لەبى», «وتكەن جىلدار ورنەگى», «جان سىرىم» جانە باسقا كىتاپتارى جارىق كورگەن. سونىمەن قاتار اكادەميك راحمانقۇل بەردىباي مەن اقىن ق ۇلىنشاق كەمەل ۇلى (1840–1911) تۋرالى زەرتتەۋ ەڭبەكتەرى جاريالانعان.
ايباتىر ساميعوللا ۇلى,
جۋرناليست
استانا
