فوتو: اشىق دەرەككوز
4,9 ملرد تەڭگەنى قۇرايتىن بيۋدجەت وبلىستاعى اۆتوموبيل جولدارىن كۇتىپ ۇستاۋعا جۇمسالادى, ەڭ كوپ قارجى 3,4 ملرد تەڭگە ەلدى مەكەندەردىڭ كوشەلەرىنە جۇمسالماق. وبلىستىق جانە اۋداندىق جولدارعا سايكەسىنشە 760 ملن جانە 730 ملن تەڭگە بولىنگەن. وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ولجاس نۇرعاليەۆتىڭ ايتۋىنشا, 11 جول ۇيىمى وبلىستىق باعىتتار بويىنشا قىزمەت كورسەتەدى.
«مامانداندىرىلعان تەحنيكانىڭ جالپى سانى 131 بىرلىك (ونىڭ ىشىندە 32 شنەكوروتورا, 9 نىعىزداۋشى, 31 اۆتوگرەيدەر, 42 تراكتور, 2 بۋلدوزەر, 15 تيەگىش). وبلىستىق اۆتوموبيل جولدارىنا 96 ءتۇرلى مەردىگەرلىك ۇيىم (شارۋا قوجالىقتارى, جاۋاپكەرشىلىگى شەكتەۋلى سەرىكتەستىكتەر, جەكە كاسىپكەرلەر) قىزمەت كورسەتەدى. مامانداندىرىلعان تەحنيكانىڭ جالپى سانى 395 بىرلىكتى قۇرايدى», دەدى ولجاس نۇرعاليەۆ.
قىسقى جوندەۋ جۇمىستارىنا دايىندىق بارىسىندا جەرگىلىكتى جولداردىڭ بۇكىل جەلىسىنىڭ بويىنداعى بۇتالار مەن قامىستار كەسىلگەن. سونىمەن قاتار اۋا-رايى ناشارلاعان جاعدايدا جالپى ۇزىندىعى 2 500 مىڭ كم-گە دەيىن قار ۇستايتىن ترانشەيالاردى ورناتۋ بويىنشا جۇمىستار جۇرگىزىلىپ جاتىر.
«2024 جىلى ۇزىندىعى 5 شاقىرىم بولاتىن «اۋليەكول-جالداما» وبلىستىق ماڭىزى بار اۆتوموبيل جولىنىڭ پروبلەمالىق ۋچاسكەسىندە قار ۇستايتىن قۇرىلىستاردى ورناتۋ جۇمىستارى اياقتالدى. جەرگىلىكتى ماڭىزى بار جولدارعا بارلىعى 13,3 شاقىرىم وسىنداي جۇيە ورناتىلدى», دەدى ول.
