پەتروپاۆل. 17 ماۋسىم. «سولتۇستىك قازاقستان تاراتۋشى ەلەكترجەلىلىك كومپانياسى» اق-دا مامانداندىرىلعان تەحنيكا پاركى جاڭارتىلدى. بۇل تۋرالى «سەۆكازەنەرگو» كومپانياسىنىڭ ءباسپاسوز قىزمەتى حابارلادى.
تەحنيكا پاركىن تولىقتىرۋ «بيزنەستىڭ جول كارتاسى-2020» باعدارلاماسى شەڭبەرىندە مۇمكىن بولدى. 11 زاماناۋي مانيپۋلياتور كرانى مەن 12 جۇك-جولاۋشى ءاۆتوموبيلى كومپانياعا وندىرىستىك مىندەتتەردى شەشۋگە ايتارلىقتاي كومەكتەسەدى.
«ەلەكترجەلىلىك كومپانيانىڭ مۇددەسىنە قاجەتتى جاڭا تەحنيكانى ساتىپ الۋ «سولتقازەنەرگو» كولىكتىك كاسىپورنى» جشس-ءنىڭ «بيزنەستىڭ جول كارتاسى-2020» بيزنەستى قولداۋ جانە دامىتۋدىڭ بىرىڭعاي باعدارلاماسىنا قاتىسۋىنىڭ ارقاسىندا 244 ميلليون تەڭگەنىڭ جوباسىن جۇزەگە اسىردى», – دەلىنگەن حابارلامادا.
«ليزينگ گرۋپپ» اق ليزينگ الۋشىلاردىڭ ءتىزىمىن ماقۇلداپ, ءۇش مكم-200 كولىگى مەن 12 ۋاز ءاۆتوموبيلى اكەلىندى. قالعان تەحنيكالار جاقىن ارادا جەتكىزىلەدى.
ءومىر ەسقالي.
دەرەك, سۋرەت: «سەۆكازەنەرگو» كومپانياسى.
