جاسوسپىرىمگە ىشىمدىك ساتقان جازالانادى

ەل بيلىگى مەن جەرگىلىكتى اتقا­رۋشى بيلىك تاراپىنان جاسوس­پىرىمدەردىڭ قاۋىپسىزدىگىن قامتا­ماسىز ەتۋ ماقساتىندا ءتۇرلى ءىس-شا­رالار قولعا الىنعانىنا قارا­ماستان, جۇگەنسىز كەتكەن جاس­تاردىڭ قاراسى تىيىلماي تۇر. ءبىلىم ۇيىمدارىمەن قاتار, بالا تاربيەسىندە اتا-انانىڭ دا جاۋاپكەرشىلىگى زور. بىراق كەيدە جانارىندا وت ويناعان جاسوسپىرىمدەردى ۋىسىمىزدان شىعارىپ الاتىنىمىز بەلگىلى. ءتۇن قاتىپ كوشە كەزگەن بالالار راسىندا نە ءبۇلدىرىپ ءجۇر؟

وبلىستىق پوليتسيا دەپار­تامەنتىنىڭ باسشىسى باقىت­جان مالىباەۆتىڭ كامەلەتكە تول­­ما­عان­دار ءىسى جونىندەگى ينسپەكتورلارمەن جانە ۋچاسكەلىك پوليتسيا ينسپەكتورلارىمەن وتكىزگەن كەزدەسۋىندە ءبىراز دەرەك­تىڭ بەتى اشىلدى. باسقاسىن بىلاي قويعاندا, بالانىڭ جاسىنا قا­تىستى دەرەكتى تەكسەرمەي, ولارعا الگوگولدىك ىشىمدىكتى ساۋدالايتىن دۇكەن يەلەرى دە از ەمەس ەكەن.

بىزگە جەتكەن دەرەككە جۇگىنسەك, قارا تۇندە قاناتىن ەركىن قاققان جاسوسپىرىمدەرگە الكوگول ونىمدەرىن ساتاتىن كاسىپكەرلەر جەتىپ ارتىلادى. وسى جىلدىڭ ون ايىندا جاوسپىرىمدەردىڭ جاسىنا قاتىستى دەرەكتىڭ بايىبىنا بارماي تابىس تاپقىسى كەلگەن 196 دۇكەن يەسى ءتيىستى جازاسىن ارقالاپتى. قۇزىرلى ورگان قىزمەتكەرلەرى ولارعا 14 ملن-نان اسا ايىپپۇل سالعان.

قۇزىرلى ورگان قىزمەتكەرلەرى كامەلەت جاسىنا تولماعان بالالاردىڭ قۇقىعىن قورعاۋ بويىنشا قولدان كەلگەنشە قىزمەت اتقارىپ جاتقانى اقيقات. قولايسىز وتباسىلىق جاعدايدا تۇراتىن وتباسىلاردى انىقتاپ, ولارعا كومەك كورسەتۋ ماقساتىندا از جۇمىس اتقارىلىپ جاتقان جوق. بۇل تۇرعىدان العاندا يۋۆەنالدى پوليتسيا ينسپەكتورلارى دا اۋىز تولتىرىپ ايتارلىقتاي جۇمىس اتقارىپ جاتىر. ايتسە دە, كوڭىلگە كىربىڭ تۇسىرەتىن دەرەكتەر ءجيى كەزدەسەدى.

ماسەلەن, وسى جىلدىڭ ون ايىندا 2 214 ءتۇرلى رەيد جانە قانداي دا ءبىر وقىس جاعدايلاردىڭ الدىن الۋ ماقساتىندا اۋقىمدى ءىس-شارالار ۇيىمداستىرىلعان. ناتيجەسىندە, 12 913 اكىمشىلىك حاتتاما تولتىرىلعان. ءتۇرلى دەڭگەيدەگى اكىمشىلىك قۇقىق بۇزۋشىلىققا جول بەرگەنى ءۇشىن ىشكى ىستەر ورگاندارىنا 8 537 كامەلەت جاسىنا تولماعان ءجاس­وسپىرىم جەتكىزىلىپتى. سونداي-اق وزىنە جۇكتەلگەن مىندەتتى ءتيىس­تى دەڭگەيدە ورىنداماعانى ءۇشىن 859 اتا-انا اكىمشىلىك جاۋاپ­كەرشىلىككە تارتىلعان.

اتا-انالار تۇنگى ۋاقىتتا با­لالارىنىڭ قايدا جۇرگەنىنە نازار اۋدارا بەرمەيتىن سەكىلدى. ال تۇنگى ويىن-ساۋىق ورىندارىنىڭ باسشىلارى تۇتىنۋشىلاردىڭ جاسىنا قاتىستى دەرەكتەرگە نازار اۋدارمايدى. سالدارىنان ىشكى ىستەر ورگاندارى قىزمەتكەرلەرى ۇيىمداستىرعان ءىس-شارالار كەزىندە ولاردىڭ قۇقىق بۇزۋشى­لىققا جول بەرگەنى انىقتالىپ جاتادى. پوليتسيا دەپارتامەنتىنىڭ باسشىسى كەلتىرگەن دەرەككە جۇ­گىن­سەك, وسى جىلدىڭ ون ايىن­دا ءتۇرلى مەيرامحانا مەن بارلاردىڭ 202 اكىمشىسى تۇنگى ۋاقىتتا كامە­لەت جاسىنا تولماعان جاسوس­پىرىمدەردى مەكەمەگە كىرگىزگەنى ءۇشىن 4 ملن تەڭگەدەن اسا ايىپپۇل ارقالاعان. سونداي-اق 7 036 اتا-انا جاۋاپكەرشىلىك جۇگىن سەزىنبەگەنى ءۇشىن قر اقبتك-ءنىڭ 442-بابى بويىنشا جازىقتى دەپ تانىلىپ, جاۋاپقا تارتىلىپتى. ارينە, از ەمەس.

«مەملەكەت باسشىسى جول­داۋىندا كامەلەتكە تولماعاندارعا قاتىستى زورلىق-زومبىلىقتىڭ كەز كەلگەن ءتۇرى ءۇشىن جازانى قا­تاڭداتۋدى تالاپ ەتتى. سوندىق­تان جاسوسپىرىمدەردىڭ ءجۇرىس-تۇرى­سىنا ايرىقشا نازار اۋدار­عان ءجون. ەل پرەزيدەنتى جول ينفراقۇرىلىمىنىڭ قاۋىپسىزدىگى ماسەلەلەرىنە دە ەرەكشە دەن قوي­عانى ءمالىم. بالالار اراسىندا جول قوزعالىسى قاۋىپسىزدىگىن قام­تاماسىز ەتۋ بويىنشا دا جۇيە­­لى جۇمىس جۇرگىزىپ جاتىرمىز», دەيدى دەپارتامەنت باسشىسى.

كامەلەت جاسىنا تولماعان­دارعا قاتىستى ماسەلەلەرمەن قۇزىرلى ورگان وكىلدەرى جىل سايىن كۇرەسىپ كەلەدى. الايدا تۇنگى ۋاقىتتا كوشە كەزىپ, مەيرامحانالار مەن بارلاردا جۇرگەن جاسوسپىرىمدەردىڭ سانى تىيىلار ەمەس. بۇل ولقىلىقتىڭ ورنىن تولتىرۋ ءۇشىن قوعام بوپ كۇرەسكەن ءجون. ايتپەسە مۇنداي جۇگەنسىزدىكتىڭ سوڭى ورنى تولماس وكىنىشكە اپارۋى دا مۇمكىن.

جامبىل وبلىسى