مادەني كەش باستاۋىندا قوعام قايراتكەرى, ەكونوميكا عىلىمدارىنىڭ دوكتورى, پروفەسسور باقبەرگەن دوسمانبەتوۆ, قارماقشى اۋداندىق ارداگەرلەر كەڭەسىنىڭ توراعاسى اسقار مەرەكوۆ پەن اۋداندىق مادەنيەت جانە تىلدەردى دامىتۋ ءبولىمىنىڭ باسشىسى نۇرشات ناۋرىزباەۆا لەبىز ءبىلدىردى.
ءوز زامانىندا اكەسى دۇزبەنبەتتىڭ تاربيەسىمەن بالا جيەنباي جاستايىنان باعزى ونەردىڭ بايراعىن كوتەرىپتى. جالپى, سىردا جىراۋدان وتىزعا تارتا ماقام قالعان دەسەدى. داۋىرلەردەن ورنەگى بۇزىلماي جەتكەن ءداستۇرلى ونەردى ەرەكشە ناسيحاتتايتىن توپىراقتا «كورع ۇلى» جىرى جيەنباي نۇسقاسىمەن جىرلانادى. ايگىلى تۇرماعانبەت اقىن «ەسەنجان, ءجۇسىپ, جيەنباي, جۇيرىكتەرى زاماننىڭ, وتارباداي ءار جەردەن, كورىنەتىن ءبىر-اق بۇرقىلى…» دەپ باعالاعان جىراۋدى اقىن قۋانىش بايماعانبەت ۇلى «جيەنباي جىر ءدۇلد ۇلى كەتەدەگى, شاكىرت قىپ كوپ شايىردى جەتەلە. بالاسى رۇستەمبەك و دا جۇيرىك, دەمەيدى جيەنبايدان بوتەن ەدى…» دەپ جىرعا قوسقان.
جيەنبايدان بالاسى رۇستەمبەككە, رۇستەمبەكتەن ۇلدارى كوشەنەي مەن بيداسقا جالعاسقان باعزى ونەر اتادان بالاعا ساباقتاسىپ كەلەدى.
جىر دوداسىندا جيەنباي جىراۋدىڭ شىعارماشىلىعى ناسيحاتتالىپ, «كورع ۇلى» داستانىن ۇرپاعى بيداس رۇستەمبەكوۆ جىرلادى.
مادەني كەشتە حالىقارالىق, رەسپۋبليكالىق بايقاۋلاردىڭ لاۋرەاتى بايبول كوشەنەي, ءادىلحان قۋانباەۆ, ايگەرىم ەشباەۆا ونەر كورسەتىپ, ەل ىقىلاسىنا بولەندى.
قىزىلوردا
