فوتو: senate.parlam.kz
«بۇگىندە قازاقستاندا دەرتپەن اۋىراتىن 500 مىڭنان استام ناۋقاس تىركەلگەن جانە ونىڭ دەڭگەيى ءوسىپ بارادى. سونىمەن قاتار, ناۋقاستاردىڭ 50%-عا جۋىعى انىقتالماعان كۇيدە قالىپ, ۇلتتىق تىركەلىمگە ەنبەگەن. اۋرۋدى باقىلاۋدىڭ نەگىزگى كورسەتكىشى – گليكوزيلدەنگەن گەموگلوبين دەڭگەيىن مونيتورينگتەۋ تەك ديسپانسەرلىك ناۋقاستاردىڭ 22%-ىن عانا قامتيدى. بۇل اۋرۋدى ءتيىمدى باقىلاۋ ءۇشىن جەتكىلىكسىز. شىعىنداردىڭ 70%-دان استامى رەتينوپاتيا مەن جۇرەك-قان تامىرلارى اۋرۋلارى سياقتى اسقىنۋلاردى ەمدەۋگە جۇمسالادى. بۇل پروفيلاكتيكالىق جۇمىستاردىڭ جەتكىلىكسىزدىگىن كورسەتەدى», دەدى ج.اسانوۆا.
سەناتتىڭ ءباسپاسوز قىزمەتىنىڭ ءمالىم ەتۋىنشە دەپۋتات قانت ديابەتىنىڭ الدىن الۋ جانە ەرتە انىقتاۋ, حالىققا ارنالعان اعارتۋشىلىق باعدارلامالاردى ەنگىزۋ جانە باستاپقى مەديتسينالىق-سانيتارلىق كومەكتىڭ جۇمىسىن جەتىلدىرۋدى قامتيتىن كەشەندى ءتاسىل ەنگىزۋدىڭ ماڭىزدىلىعىنا توقتالدى. ول قانت ديابەتىنىڭ الدىن الۋ بويىنشا ۇلتتىق باعدارلاما مەن ءتيىستى عىلىمي ورتالىق قۇرۋدىڭ قاجەتتىگىن ەرەكشە اتاپ ءوتتى.
ء«بىز قانت ديابەتىنىڭ الدىن الۋ جانە ەرتە انىقتاۋ جونىندەگى ۇلتتىق باعدارلاما ازىرلەۋدى جانە س.اسفەندياروۆ اتىنداعى قازۇمۋ بازاسىندا ەندوكرينولوگيا جانە مەتابوليزم عىلىمي ورتالىعىن قۇرۋدى ۇسىنامىز. تۇراقتى تۇردە سكرينينگتەن وتكىزۋ جانە حالىققا ارنالعان اعارتۋشىلىق باعدارلامالارى اۋرۋدى اسقىنۋدى ازايتىپ, ناۋقاستاردىڭ ءومىر ساپاسىن جاقسارتۋعا مۇمكىندىك بەرەدى», دەپ تۇيىندەدى سەنات دەپۋتاتى.
