فوتو: kmg.kz
كەلىسسوزدەر ناتيجەسىندە كەلەسى شەشىمدەرگە قول جەتكىزىلگەن:
- رۇقساتسىز اكتسيا توقتاتىلدى;
- ومگ بۇرعىلاۋ جۇمىستارى باسقارماسىنىڭ جۇمىسشىلارى جۇمىس ورىندارىنا تولىق ورالدى;
- ءتۇسىندىرۋ مەن تالقىلاۋدى تالاپ ەتەتىن ماسەلەلەر بىتىمگەرلىك كوميسسيا وتىرىسىندا زاڭعا سايكەس قۇقىقتىق نورمالار شەڭبەرىندە قارالاتىن بولادى.
«قر زاڭناماسىنا سايكەس ەڭبەك قاتىناستارى ءۇشىنشى تۇلعالاردىڭ ارالاسۋىنسىز سىندارلى ديالوگ نەگىزىندە تىكەلەي جۇمىس بەرۋشى مەن جۇمىسشىلار اراسىندا رەتتەلۋى ءتيىس ەكەنىن حابارلايمىز. قازمۇنايگاز ديالوگقا ءاردايىم اشىق جانە تۋىنداعان ماسەلەلەردى قولدانىستاعى زاڭنىڭ اياسىندا شەشۋ ءۇشىن ءوزارا ءتيىمدى بايلانىس ورناتۋعا دايىن», دەلىنگەن حابارلامادا.
ەستەرىڭىزگە سالا كەتەيىك, «وزەنمۇنايگازعا» قاراستى «بۇرعىلاۋ جۇمىستارى باسقارماسى» كومپانياسىنىڭ جۇمىسشىلارى ەرەۋىلگە شىعىپ, باسشىلىققا بەس ءتۇرلى تالاپ قويعان ەدى:
- ومگ زەينەتكەرلەرى مەن دەنساۋلىعىنان ايىرىلعان مۇنايشىلاردىڭ بالالارىن تىكەلەي شتاتقا الۋ;
- جاڭاوزەن قالاسىندا جۇمىسسىزدىق ماسەلەسىن شەشۋ;
- ۇجىمدىق شارتتا 2013 دەيىن بولعان دەربەس ەڭبەكاقى تولەۋ جۇيەسىن قايتارۋ;
- ماشينيستەر مەن وپەراتورلاردىڭ دارەجەسىن كوتەرۋ;
- 30% قوسىمشا جالاقى ءتارتىبىن تولەۋدى ۇجىمدىق شارتقا ەنگىزۋ.
