فوتو: depositphotos.com
انتيكور بۇل جاعدايعا وبلىستاعى جول سالۋ بارىسىن تەكسەرۋ كەزىندە كوز جەتكىزگەن.
زاڭ بۇزۋشىلار باسەكەلەستىككە جاتپايتىن تاسىلمەن 2,2 ملرد تەڭگەگە نەگىزسىز شارتتار جاساپ, وزگە سىلتاۋلارمەن ناقتى مەردىگەرلەردى ىرىكتەپ العان.
«وسىنداي پروتسەستەر كونكۋرستىق پروتسەدۋرالاردى اينالىپ وتۋگە جانە جۇمىس تاجىريبەسى مەن رەسۋرستارى جوق فيرمالارعا ارتىقشىلىق بەرگەن. بۇل رەتتە ورتاشا جوندەۋ جۇرگىزۋگە ارنالعان سمەتاعا كۇتپەگەن شىعىستارعا ارنالعان شىعىندار نەگىزسىز ەنگىزىلىپ, جۇمىستى 177 ملن تەڭگەگە قىمباتتاتقان», دەلىنگەن انتيكور حابارلاماسىندا.
سونىمەن قاتار, جەرگىلىكتى اتقارۋشى ورگاندار تالاپ ەتىلمەگەن جوبالاۋ-سمەتالىق قۇجاتتامانى ازىرلەۋگە 210 ملن تەڭگە جۇمساعانى بەلگىلى بولدى.
تالداۋ قورىتىندىسى بويىنشا مەملەكەتتىك ساتىپ الۋ راسىمدەرىنىڭ بۇزىلۋىنا جول بەرگەن كىنالى تۇلعالار جاۋاپكەرشىلىككە تارتىلىپ وتىر. ال تۇركىستان وبلىسىنىڭ اكىمدىگى جولداردى ورتاشا جوندەۋ كەزىندەگى ىقتيمال شىعىستاردى الىپ تاستادى.
