فوتو: kazgazeta.kz
بۇل زاڭعا ساي اۆتوماتتى تۇردە تىركەۋ جۇيەلەرىمەن انىقتالاتىن ءتۇزۋ سىزىقتى ۋچاسكەلەردە «ورتاشا جىلدامدىقتان» اسىپ كەتكەنى ءۇشىن جاۋاپكەرشىلىك ەنگىزىلەدى.
«جولداردىڭ ءار ءتۇرلى ۋچاسكەلەرىندە «ورتاشا جىلدامدىق» ءار ءتۇرلى بولادى, سەبەبى فورمۋلاعا سايكەس ءار اۆتوكولىك اۆتوماتتى تۇردە ەسەپتەلەدى. بۇل جاڭالىق تالداۋدى ەسكەرە وتىرىپ ەنگىزىلدى, سەبەبى قالا ماڭىنداعى تراسسالارداعى ءاربىر ءۇشىنشى ادام جىلدامدىق رەجيمىنىڭ اسىپ كەتۋىنىڭ سالدارىنان كوز جۇمعان», دەدى ىىم اكىمشىلىك پوليتسيا كوميتەتى ەرەكشە تاپسىرمالار جونىندەگى اعا ينسپەكتورى اقتوتى بورانوۆا.
حاباردىڭ مالىمەتىنشە, ەلىمىزدە ورتاشا جىلدامدىقتى ەسەپتەۋگە بولاتىن 25 مىڭ شاقىرىم رەسپۋبليكالىق جانە حالىقارالىق جول بار. جاڭا ەرەجە ازىرگە سونىڭ 3 200 شاقىرىمىندا قولدانىلادى.
ال «ورتاشا جىلدامدىق» ءجۇرىپ وتكەن جولدى ءجۇرىپ وتكەن ۋاقىت ارالىعىنا ءبولۋ ارقىلى ەسەپتەلەدى. وسى ەرەجەنى ساقتاماعان جۇرگىزۋشىلەرگە 5-40 اەك كولەمىندە ايىپپۇل سالىنادى.
«ەندى سول كامەرالاردى ورتاشا جىلدامدىق بويىنشا قولدانۋعا مۇمكىندىك بەرىپ وتىرمىز. شىعىن جاساماي, قولدا بار ينفراقۇرىلىمدى ارى قاراي پايدالانۋ. ارالىقتى 20 مينۋتتا ءجۇرۋىڭىز كەرەك مىسالعا. ەگەر ءسىز ەكى اركانىڭ ورتاسىندا 20 ەمەس, 10 مينۋتتا ءجۇرىپ وتسەڭىز, ءسىز ورتاشا جىلدامدىقتى بۇزىپ وتىرسىز», دەدى قر كولىك مينيسترلىگى اۆتوموبيل جولدارى كوميتەتىنىڭ باسقارما باسشىسى عابيت شىمىرباەۆ.
