فوتو: قالا اكىمدىگى
بىرىككەن اراب امىرلىكتەرىندە وتكەن حالىقارالىق تۋرنيردە استانا قالاسى اكىمدىگىنىڭ 1 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىنىڭ 33 گيمناسشىسى 17 التىن, 26 كۇمىس, 26 قولا مەدال جەڭىپ الىپ, حالىقارالىق ارەنادا قازاقستاننىڭ سپورتتىق گيمناستيكا مەكتەبىنىڭ بەدەلىن نىعايتتى.
اقش, كۋۆەيت, قاتار, ءباا, ليۆان, رەسەي, كەنيا ەلدەرىنىڭ ۇزدىك گيمناسشىلارى قاتىسقان بايراقتى باسەكەدە قازاقستان سپورتشىلارى كوپسايىس, تىرەنىپ سەكىرۋ, قوسسىرىق, بورەنە, كەرمە جانە ەركىن جاتتىعۋلاردا ەرەكشە شەبەرلىك كورسەتىپ, لايىقتى ماراپاتتارعا يە بولدى.
«بۇل جەڭىس – ەلىمىزدىڭ گيمناستيكا سالاسىنداعى ماڭىزدى قادامى. تۋرنيرگە قاتىسقان جاس دارىندار مەن تاجىريبەلى سپورتشىلاردىڭ بىرىگۋى, ولاردىڭ تاباندىلىعى مەن ىنتا-جىگەرىنىڭ ناتيجەسى. ەلوردالىق گيمناسشىلاردىڭ وسىنداي ءىرى جەڭىسى – قازاقستان سپورتىنىڭ دامۋىنداعى جاڭا بەلەستەردىڭ جارقىن كورسەتكىشى», دەدى اتالعان سپورت مەكتەبىنىڭ باسشىسى دانيار تولەگەنوۆ.
