فوتو: الەۋمەتتىك جەلىدەن
وڭتۇستىك كورەيا بيلىگى بۇل جاعدايعا وپپوزيتسيانىڭ بيلىكتى قىزمەتىنەن تايدىرۋعا ارەكەتتەنۋى مەن قىسقارتىلعان بيۋدجەت ارقىلى ەلدى السىرەتۋگە ارنالعان ۇسىنىستارى سەبەپ بولعانىن ايتتى.
دەسە دە 6 ساعاتتان كەيىن وڭتۇستىك كورەيا پرەزيدەنتى يۋن سوك يول دەپۋتاتتاردىڭ داۋىس بەرۋىنەن كەيىن ەلدە اسكەري جاعداي ەنگىزۋ تۋرالى جارلىقتى جويدى.
وسىعان بايلانىستى قازاقستاننىڭ وڭتۇستىك كورەياداعى ەلشىلىگى سوندا جۇرگەن وتانداستارىمىزعا ۇندەۋ جاسادى.
«كورەيا رەسپۋبليكاسىنىڭ پرەزيدەنتى يۋن سوك ءيولدىڭ اسكەري جاعداي ەنگىزۋىنە بايلانىستى كورەيا رەسپۋبليكاسىندا جۇرگەن قازاقستان رەسپۋبليكاسىنىڭ ازاماتتارىن سابىرلىق ساقتاپ, جەرگىلىكتى بيلىكتىڭ ۇسىنىستارىن ورىنداۋعا جانە كوپشىلىك ءىس-شارالاردان اۋلاق بولۋعا شاقىرامىز», دەلىنگەن ۇندەۋدە.
سونداي-اق ەلشىلىك توتەنشە جاعداي تۋىنداعان جاعدايدا +8210-6572-9311 جەدەل بايلانىس نومەرىنە حابارلاسۋدى سۇرادى.
