فوتو: اشىق دەرەككوز
ەرلان اقكەنجەنوۆ قازاقستاننىڭ زەرتتەلمەگەن نەمەسە از زەرتتەلگەن الەۋەتتى رەسۋرستارعا يە ەكەنىن اتاپ ءوتتى. ينۆەستيتسيالىق احۋالدى جاقسارتۋ ماقساتىندا جەر قويناۋىن پايدالانۋ سالاسىنداعى زاڭنامانى جەتىلدىرۋ بويىنشا جۇيەلى جۇمىس جۇرگىزىلىپ جاتىر.
2024 جىلى ازىرلەنىپ جاتقان وزگەرىستەر:
- ءوز قاراجاتى ەسەبىنەن از زەرتتەلگەن اۋماقتاردا گەولوگيالىق زەرتتەۋدى جۇزەگە اسىراتىن ينۆەستورلارعا جەر قويناۋىن پايدالانۋعا باسىم قۇقىقتى قامتاماسىز ەتۋگە;
- كومىرسۋتەكتەر سالاسىندا ۇلتتىق كومپانيالاردىڭ قىزىعۋشىلىعى جوق ۋچاسكەلەردى ىسكە اسىرۋ جانە يگەرۋگە مۇمكىندىك بەرەدى.
تۇزەتۋلەر جەر قويناۋىنىڭ ءتيىستى ۋچاسكەسى جەر قويناۋىنىڭ مەملەكەتتىك قورىن باسقارۋ باعدارلاماسىنا ەنگىزىلگەن كۇننەن باستاپ تىكەلەي كەلىسسوزدەر جۇرگىزۋ بويىنشا ءوتىنىش بەرۋگە ۇلتتىق كومپانيالاردى 3 جىلدىق كەزەڭمەن شەكتەۋگە باعىتتالعان. كورسەتىلگەن مەرزىمدە ۇلتتىق كومپانيالاردان وتىنىشتەر بولماعان جاعدايدا, ۋچاسكە اۋكتسيونعا شىعارىلاتىن بولادى. كەن ورىندارىن تەزىرەك يگەرۋگە تارتۋ ماقساتىندا ءبىر كەلىسىمشارت بويىنشا بارلاۋدان باعالاۋعا, ال ون كەلىسىمشارت بويىنشا بارلاۋدان وندىرۋگە كوشۋ جۇزەگە اسىرىلدى.
«بيىل 2 ەلەكتروندى اۋكتسيون وتكىزىلىپ, 15 ۋچاسكە ىسكە اسىرىلدى. قول قويۋ بونۋسىنىڭ تۇپكىلىكتى كولەمى 32,7 ملرد تەڭگەنى قۇرادى, ونىڭ ىشىندە بۇگىنگى تاڭدا بيۋدجەتكە 9,1 ملرد تەڭگە ءتۇستى. گەولوگيالىق بارلاۋعا سالىنعان ينۆەستيتسيا كولەمى – $82,5 ملن», دەدى ەرلان اقكەنجەنوۆ.
