ء«بىز 955 ورىندىق 9 قاباتتى جاڭا جاتاقحانانىڭ قۇرىلىسىن باستاۋدى جوسپارلاپ وتىرمىز, الداعى 2026 جىلى ستۋدەنتتەر بىزدەن كىلت الىپ, قونىستانىپ, جاڭا جەردە ءوز ومىرلەرىن باستاي الادى», دەدى ساتباەۆ ۋنيۆەرسيتەتى قۇرىلىس دەپارتامەنتىنىڭ ديرەكتورى ريشات تىنىبەكوۆ.
جاڭا جاتاقحانا «قارجى ورتالىعى» اق جانە قر عىلىم جانە جوعارى ءبىلىم مينيسترلىگىنىڭ قولداۋىمەن جۇزەگە اسىرىلىپ جاتقان «بەس الەۋمەتتىك باستاما» اتتى مەملەكەتتىك باعدارلاماسى نەگىزىندە ستۋدەنتتەردى جاڭا جاتاقحانالارداعى ورىنمەن قامتاماسىز ەتۋ اياسىندا سالىنادى. جوبانى ينۆەستور Forum Invest جانە EPC Stroy Group قۇرىلىس كومپانياسى 100% قارجىلاندىرادى, بۇل قۇرىلىس قازىردىڭ وزىندە الماتى قالاسىنىڭ قالا قۇرىلىسى كەڭەسىمەن ماقۇلدانعان.
«EPC Stroy Group» كومپانياسىنىڭ باسشىسى ەرلان قوجىقوۆ ءوز سوزىندە كومپانيانىڭ ساتباەۆ ۋنيۆەرسيتەتىمەن جۇمىس ىستەۋگە قۋانىشتى ەكەنىن, ويتكەنى بۇل ولاردىڭ ەل بولاشاعىنا قوسقان ۇلەسى ەكەنىن باسا ايتتى:
ء«بىز بولاشاق ينجەنەرلەرى, ەلىمىزدىڭ بولاشاق ەليتاسى جاقسى ءبىلىم الۋعا قولايلى جاعداي جاساۋ ءۇشىن ينۆەستيتسيا سالۋعا دايىنبىز. ءبىز قۇرىلىستا ەكولوگيالىق تازا جانە ەنەرگيانى ۇنەمدەيتىن ماتەريالداردى قولدانامىز, سەيسميكالىق توزىمدىلىك بويىنشا بارلىق زاڭنامالىق نورمالاردى ساقتايمىز جانە جاتاقحانانى 2026 جىلدىڭ اقپان ايىندا پايدالانۋعا بەرۋدى جوسپارلاپ وتىرمىز», دەدى ول.
ءىس-شاراعا جوباعا قاتىسۋشى بارلىق جەتى تاراپتىڭ وكىلدەرى قاتىستى: ۋنيۆەرسيتەتتىڭ قامقورشىلىق كەڭەسىنىڭ توراعاسى, پروفەسسور ۇلىقپان سىدىقوۆ, ۋنيۆەرسيتەتتىڭ اقساقالدار كەڭەسى مەن رەكتورلار كەڭەسىنەن پروفەسسور ابدىعاپپار ءاشىموۆ, الماتى قالاسى اكىمدىگىنىڭ جاستار ساياساتى ءبولىمىنىڭ مەڭگەرۋشىسى ازيز قاجدەنبەك, «قارجى ورتالىعى» اق الماتى قالاسىنداعى وكىلدىگىنىڭ ديرەكتورى ۇلان وتەباەۆ, «EPC Stroy Group» كومپانياسىنان دينارا بايىمبەتوۆا جانە وقىتۋشىلار مەن ستۋدەنتتەر قاتىستى.
«قازاق حالقىندا «جەتى» دەگەن قاسيەتتى سان بار. بۇل ىرگەتاستى جەتى ءتۇرلى ۇيىمنىڭ وكىلدەرى سالعانىنا نازار اۋدارىڭىزدار. ولاردىڭ ارقايسىسى وسى ستۋدەنتتىك جاتاقحانا وتە ماڭىزدى ەكەنىن تۇسىنەدى. ەندەشە بۇگىنگى جۇمىسىمىز جەمىسىن بەرىپ, جاڭا جاتاقحانا «دوس-مۇقاسان» ءىزباسارلارى ءوسىپ-وركەندەيتىن قۇتتى مەكەنگە اينالسىن», دەدى ۇلىقپان سىدىقوۆ ءوز سوزىندە.
ۋاقىت كاپسۋلاسىن سالۋ ساتباەۆ ۋنيۆەرسيتەتىنىڭ جانە ونىڭ ينفراقۇرىلىمىنىڭ دامۋىنداعى جاڭا كەزەڭنىڭ باستالعانىن ءبىلدىردى. جاڭا جاتاقحانا ستۋدەنتتەرگە قولايلى جاعداي جاسايدى جانە ساتباەۆ ۋنيۆەرسيتەتىنىڭ قازاقستانداعى يننوۆاتسيالىق جانە تەحنيكالىق ءبىلىم بەرۋدىڭ جەتەكشى ورتالىعى رەتىندەگى مارتەبەسىن نىعايتۋعا كومەكتەسەدى.
