جاستار تەاترى ونەرپازدارى اقىننىڭ بالالىق شاعى مەن جالىندى جاستىعىن قامتيتىن قويىلىمىن ساحنالاپ باستاعان كەزدەسۋدە قالا اكىمىنىڭ ورىنباسارى دارحان تۇرسىنباەۆ شاھار باسشىسىنىڭ قۇتتىقتاۋ حاتىن تابىستاپ, يىعىنا شاپان جاۋىپ قۇرمەت كورسەتتى.
جازۋشىلار وداعىنىڭ قىزىلوردا وبلىسىنداعى جەتەكشىسى, بەلگىلى اقىن قارشىعا ەسىمسەيىتوۆا, حالىقارالىق «الاش» ادەبي سىيلىعىنىڭ لاۋرەاتى, اقىن قاتيرا جالەنوۆا, بالالار اقىنى, پەداگوگيكا عىلىمدارىنىڭ دوكتورى راحات ناۋرىزباەۆالار كەش يەسىن قۇتتىقتادى. تۋعان جەر قۇشاعىندا كەشى ءوتىپ جاتقان اقىنعا ارنالعان قالامداستار تىلەگى ەل ازاماتتارى ايتباي كوشەرباەۆ, ولمەسحان بولاتبەكوۆتەردىڭ لەبىزىمەن جالعاستى. قالاداعى س.سەيفۋللين اتىنداعى №4 IT ليتسەي وقۋشىلارى اقىننىڭ ليريكالىق ولەڭدەرى مەن بالالارعا ارنالعان تۋىندىلارىن وقىدى.
كەش يەسى ءوز سوزىندە ەل ازاماتتارىنا, كەشتى تاماشالاۋعا كەلگەن وقىرمانعا شىنايى العىسىن جەتكىزدى. وسى كەشتە اقىننىڭ «ۇلپەت» اتتى جاڭا كىتابىنىڭ تۇساۋكەسەرى ءوتىپ, وقىرمانعا جول تارتتى.
قىزىلوردا
