كوللاج: مادەنيەت جانە اقپارات مينيسترلىگى
«مۋزىكانىڭ التىن عاسىرى» توپتاماسىنداعى كونتسەرت اياسىندا ارتىستەر ەلوردا تۇرعىندارى مەن قوناقتارىنا پ.چايكوۆسكيدىڭ مۋزىكالىق مۇراسىنىڭ ەڭ سۇيىكتى بولىمدەرىنىڭ ءبىرى – ونىڭ رومانستارىمەن كەزدەسۋدەن ۇمىتىلماس ەموتسيا مەن شابىت سىيلايدى. ازامات جىلتىركوزوۆ پەن دولورەس ۇمبەتاليەۆانىڭ نازىك ينتەرپرەتاتسياسىنداعى ءبىرتۋار كومپوزيتوردىڭ كامەرالىق-ۆوكالدىق ليريكاسى تىڭدارمانداردى ءوزىنىڭ تەرەڭ ويلىلىعىمەن, كوركەم بەينەلەردىڭ مولدىعىمەن, ينتوناتسيانىڭ اشىقتىعىمەن ءارى سەزىمدەردىڭ شىنايىلىعىمەن جىگەرلەندىرەدى.
«سرەد شۋمنوگو بالا...» كونتسەرتىنەن بولەك, «استانا وپەرا» تەاترىنىڭ ك.بايسەيىتوۆا اتىنداعى كامەرالىق زالىنىڭ جەلتوقسانداعى باعدارلاماسىنا باسقا دا كوپتەگەن جارقىن شارالار ەندى.
سونىمەن, 6 جەلتوقساندا «ەۋروپا مايتالماندارىنىڭ ۇمىتىلماس اۋەندەرى» كونتسەرتىندە ك.بايسەيىتوۆا اتىنداعى كامەرالىق زال ساحناسىنا ۆەنگر ءپيانيسى دەرد وراۆەتس شىعادى. جوبا ۆەنگريانىڭ قازاقستان رەسپۋبليكاسىنداعى ەلشىلىگىنىڭ قولداۋىمەن جۇزەگە اسىرىلعان.
«استانا وپەرا» وركەسترىنىڭ ءبىرىنشى سكريپكاسى, قازاقستاننىڭ ەڭبەك سىڭىرگەن قايراتكەرى باعدات ءابىلحانوۆ «مۋزىكالىق اليانس» توپتاماسىنان كەشتەر ۇسىنادى: 7 جەلتوقساندا «مۋزىكالىق سەنبىلىك» كونتسەرتى, ال 18 جەلتوقساندا شاقىرىلعان سوليست, باشقۇرتستان رەسپۋبليكاسىنىڭ ەڭبەك سىڭىرگەن مادەنيەت قىزمەتكەرى سكريپكاشى ۆلاديسلاۆ سامويلوۆتىڭ قاتىسۋىمەن «پاگانيني مۇراسىن شەبەر ورىنداۋشىلار» كونتسەرتى وتەدى.
12 جەلتوقساندا «Piccolo» تەاترى جوباسى اياسىندا ەلوردالىق كورەرمەندەردىڭ نازارىنا پرەمەراسى قازان ايىندا زور تابىسپەن وتكەن تەاتر رەپەرتۋارىنداعى جاڭا سپەكتاكل – ا.ءۆيۆالديدىڭ «قاھارلى ورلاندو» وپەراسى ۇسىنىلادى.
تاۋەلسىزدىك كۇنى, 16 جەلتوقساندا قازاقستان كومپوزيتورلار وداعىنىڭ «دارحان دالا» كونتسەرتىندە «استانا وپەرا» كامەرالىق وركەسترى قازاقستاننىڭ حالىق ءارتىسى ابزال ءمۇحيتديننىڭ باسقارۋىمەن ونەر كورسەتەدى.
جاڭا جىلدىق مەرەكە قارساڭىندا تەاتردىڭ شىعارماشىلىق ۇجىمى ك.بايسەيىتوۆا اتىنداعى كامەرالىق زالدىڭ قىزىقتى باعدارلاماسىن دايىندادى. Astana Opera حالىقارالىق وپەرا اكادەمياسىنىڭ دارىندى جاس تىڭداۋشىلارى 21 جەلتوقساندا ءداستۇرلى «جاڭا جىلدىق ەكسپرومت» كونتسەرتىندە ساحناعا شىعادى. قىسقى دەمالىس كۇندەرى 26-27 جەلتوقساندا تس.كيۋيدىڭ «ەتىك كيگەن مىسىق» وپەرا-ەرتەگىسى كىشكەنتاي كورەرمەندەرگە مەرەكەلىك كوڭىل كۇي سىيلايدى.
