فوتولار: gov.kz
ارداگەرگە قورعانىس ءمينيسترى گەنەرال-پولكوۆنيك رۋسلان جاقسىلىقوۆ پەن الماتى وڭىرلىك گارنيزونىنىڭ باستىعى گەنەرال-مايور الماز جۇماكەەۆتىڭ اتىنان قۇتتىقتاۋ جەتكىزىلىپ, ەستەلىك سىيلىقتار تابىستالدى.
قورعانىس مينيسترلىگىنىڭ ءباسپاسوز قىزمەتى مالىمدەگەندەي, ۆيكتور يزيۋمنيكوۆ 1924 جىلى ورال وبلىسى, زەلەنوۆ اۋدانى, چەرنوياروۆ ەلدىم مەكەنىندە دۇنيەگە كەلگەن. 1942 جىلى مايدانعا شاقىرتىلىپ, لەنينگراد اسكەري بايلانىس ۋچيليششەسىنە (سول كەزدە ورالعا كوشىرىلگەن) الىنادى. وقۋدى اياقتاماستان 1943 جىلى ماۋسىمدا ءبىر توپ كۋرسانت اۋە-دەسانتى اسكەرلەرىنە جىبەرىلەدى.
ۆيكتور كارپوۆيچ – قازاقستاننىڭ ەڭبەك سىڭىرگەن اگرونومى, ەكونوميكا عىلىمدارىنىڭ كانديداتى, ەكى رەت جوعارعى كەڭەستىڭ دەپۋتاتى بولىپ سايلانعان. قازاقستان كومپارتياسى وك مۇشەسى, قازاقستان مينيسترلەر كەڭەسىنىڭ ءىس باسقارۋشىسى بولدى.
«ۆيكتور كارپوۆيچ - قازىر الماتىدا تۇراتىن اۋە-دەسانتى اسكەرلەرىنىڭ جالعىز ارداگەرى. ءبىز ءۇشىن قۇرمەتتى اقساقال باتىلدىقتىڭ, تاباندىلىقتىڭ جانە اسكەري بورىشقا ادالدىقتىڭ ناعىز ۇلگىسى بولىپ سانالادى», دەپ اتاپ ءوتتى دەسانتتىق-شابۋىلداۋ اسكەرلەرى قولباسشىسىنىڭ ورىنباسارى پولكوۆنيك رادجان جانىسوۆ.
