فوتو: inbusiness.kz
«وعان وبلىستىق بيۋدجەتتىڭ بارلىق قاراجاتىنىڭ 52% باعىتتالادى, بۇل ونىڭ جوعارى الەۋمەتتىك باعدارلانعاندىعىن كورسەتەدى.ء بىز 26 مىڭ جاڭا جۇمىس ورنىنىڭ اشىلۋى مەن جالاقى ءوسۋىنىڭ ارقاسىندا 4,7%-دان اسپايتىن سالىستىرمالى تۇردە تومەن جۇمىسسىزدىق دەڭگەيىن ساقتاي الامىز. وبلىستا ورتاشا ايلىق جالاقى 360 مىڭ تەڭگەدەن استى, ونىڭ 9 ايداعى ءوسىمى 14 پايىزدان استى», دەدى اسايىن بايحانوۆ.
اكىم كاسىپكەرلىكتى جانە ءوزىن-ءوزى جۇمىسپەن قامتۋدى دامىتۋ ماقساتىندا حالىقتىڭ الەۋمەتتىك وسال توپتارىنا 653 ميلليون تەڭگەنىڭ 442 گرانتى بولىنگەنىن حابارلادى.
اسايىن بايحانوۆتىڭ ايتۋىنشا, بۇقارالىق سپورتتى دامىتۋ ءۇشىن وبلىستىڭ قالالارى مەن اۋىلدارىندا 125 جاڭا سپورت الاڭى جابدىقتالعان. مەديتسينالىق قىزمەتتەردىڭ ساپاسىن ارتتىرۋ ءۇشىن 511 بىرلىك جابدىق جانە 40 بىرلىك سانيتارلىق كولىك ساتىپ الىندى, بۇل ولاردىڭ جاراقتاندىرىلۋىن 68%-دان 84%-عا دەيىن ارتتىرۋعا مۇمكىندىك بەردى. كەلەسى جىلى بۇل كورسەتكىش 100%-عا دەيىن جەتكىزىلەدى دەپ جوسپارلانىپ وتىر.
