فوتو: ەرلان ومار
ۆەدومستۆو مالىمەتىنشە, ول لوكوموتيۆ دەپوسىنىڭ كادرلار جونىندەگى دەلدال-مەنەدجەرى ارقىلى ادامدى تەپلوۆوز ءماشينيسىنىڭ كومەكشىسى لاۋازىمىنا ورنالاستىرۋ ءۇشىن 1,5 ملن تەڭگە سوماسىندا پارا العانى ءۇشىن كىنالى دەپ تانىلعان.
«وعان 3 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى. سول ۇكىممەن دەلدال 1 جىلعا 6 ايعا باس بوستاندىعىنان ايىرىلدى, پارا بەرگەن ادام جانە ونىڭ كومەكشىسى 3 جىلعا باس بوستاندىعىنان ايىرىلدى», دەلىنگەن حابارلامادا.
سونىمەن قاتار سوتتالعاندار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويىنا ايىرىلعان.
سوت اكتىسى زاڭدى كۇشىنە ەنگەن جوق.
