فوتو: ۆيدەودان الىنعان كادر
كۇدىكتى 2008 جىلى پاۆلودار وبلىسى اقسۋ قالاسىنداعى پاتەرلەردىڭ بىرىندە كامەلەتكە تولماعان بالانى زورلاعان.
وسىدان كەيىن كۇدىكتى زورلاۋ ءۇشىن جاۋاپتىلىقتان قورقىپ, تانىستارىمەن ءبىر توپ ادام بولىپ ارەكەت ەتىپ, بالانى كۇشتەپ كولىككە وتىرعىزىپ, اۋىلدىق ايماققا الىپ كەتكەن.
جول بويىندا سىبايلاستاردىڭ ءبىرى بۇرىن ادام ولتىرگەنى ءۇشىن سوتتالعان تۇلعا بولا تۇرا, جابىرلەنۋشىنىڭ موينىن ۇستاپ, ونى تۇنشىقتىرىپ ولتىرگەن. ادام ءولتىرۋدى جاسىرۋ ءۇشىن قاسكۇنەمدەر ءجاسوسپىرىمنىڭ دەنەسىن دالاعا كومگەن.
«كامەلەتكە تولماعان بالانى زورلاپ, ونى ءولتىرۋدى ۇيىمداستىرعان, قاشىپ ۇلگەرگەن جانە 15 جىل بويى حالىقارالىق ىزدەۋدە بولعان سوتتالۋشىنى قوسپاعاندا, ادام ولتىرۋگە قاتىسى بار تۇلعالار ءارتۇرلى جازا تۇرلەرىنە سوتتالدى», دەپ حابارلادى پروكۋراتۋرادان.
وتكەن جىلعى قىركۇيەكتە ول رەسەي فەدەراتسياسىنىڭ كراسنودار ولكەسىندە ۇستالىپ, كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديتسيالانعان. قازىرگى ۋاقىتتا پەتروپاۆل قالاسىنىڭ تەرگەۋ يزولياتورىنا قامالعان.
«وعان تاعىلعان قىلمىستاردى جاساعانى ءۇشىن ون جىلدان جيىرما جىلعا دەيىنگى مەرزىمگە باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ تۇرىندەگى جازا قاراستىرىلعان», دەلىنگەن حابارلامادا.
