ەڭ باستىسى, مەملەكەت باسشىسىنىڭ نۇسقاۋى بويىنشا وبلىس اكىمدىكتەرى جانىنان باسىم باعىتتاردى ايقىنداۋعا جانە وزىق تەحنولوگيالاردى ەنگىزۋگە ارنالعان عىلىم جانە تەحنولوگيالار جونىندەگى كەڭەستەر قۇرىلدى. فيليالدىڭ مىندەتى – بۇل جۇمىستى بارىنشا ءتيىمدى ۇيىمداستىرۋ. سونىمەن قاتار, قۇرىلىمنىڭ مىندەتتەرىنە فورسايتتىق نەمەسە بولجامدى, عىلىم مەن تەحنولوگيالار بويىنشا زەرتتەۋلەر, وسى سالالارداعى حالىقارالىق ىنتىماقتاستىق, جوعارى وقۋ ورىندارى مەن وندىرىستىك كاسىپورىنداردىڭ سەرىكتەستىگىنە كومەك بەرۋ.
فيليال د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىنىڭ بازاسىندا ورنالاسقان. س.امانجولوۆ اتىنداعى ۋنيۆەرسيتەتتىڭ الاڭىندا اشىلعان فورسايت – ورتالىعى بولدى. جيىندا جاڭا ورتالىقتا ماڭىزدى باعىتتار بەلگىلەندى. ماسەلەن, تاۋ-كەن جانە مەتاللۋرگيا ونەركاسىبىندە بولجام جاساۋ, جاڭا تەحنولوگيالاردى ىزدەۋ, ونىڭ ىشىندە ەنەرگيا تيىمدىلىگىن ارتتىرۋ. سونداي-اق, قورشاعان ورتاعا تەحنوگەندىك اسەردى ازايتىپ, اگرارلىق سالادا يننوۆاتسيالاردى ىزدەۋدى كوزدەپ وتىر. شىعىس قازاقستان وبلىسى قىتايمەن جانە رەسەيمەن شەكارالاس ەكەنىن ەسكەرە وتىرىپ, كولىكتىك-لوگيستيكالىق ينفراقۇرىلىمدى دامىتۋ جانە تيىسىنشە ءوڭىردىڭ ەكسپورتتىق الەۋەتىن, ءتۋريزمدى كەڭەيتۋ بويىنشا زەرتتەۋلەر دە جوسپارلانعان.
