ۆيدەوجازبادان ەر ادامنىڭ قىزدى بىرنەشە رەت ۇرىپ جەرگە قۇلاتقانى كورىنەدى. سونىمەن قاتار وقيعا ورنىنداعى ادامدار كومەك قولىن سوزۋعا ارالاسپادى. تەك ءبىر ەر ادام قىزدى قورعاۋعا تىرىستى, بىراق ناتيجەسىز بولدى.
زارداپ شەككەن قىز ءوز پاراقشاسىندا وقيعانىڭ فوتو جانە ۆيدەو دالەلدەرىن جاريالادى. كادرلاردان ونىڭ دەنەسىندە جانە بەتىندە كوپتەگەن كوگەرگەن ىزدەر بار ەكەنى كورىنەدى.
جازبا اۆتورىنىڭ ايتۋىنشا, كامەراعا ءتۇسىپ قالعان ەر ادامنىڭ وعان قول كوتەرگەن العاشقى جاعدايى ەمەس. بۇعان دەيىن دە ول قىزدى باسقا مەكەمەدە ۇرىپ-سوققان.
«مەن بۇل ماسەلەلەردى ۇزاق ۋاقىت بويى ءتىپتى اناما دا ايتقان جوقپىن, ويتكەنى مەن بارىنە شىدادىم. مەن ەڭ الدىمەن ونى, ونىڭ اتا-اناسىن ايايتىنمىن. جازدان بەرى ماعان ارىز جازۋ كەرەك ەكەنىن ايتقان ادامدار بولدى, بىراق مەن ونى سوڭىنا دەيىن كەشىرىپ, اياپ كەلدىم. مەن ءاردايىم ونىڭ اناسىن ويلايتىنمىن, ۇلىنىڭ مۇنداي ارەكەتىن بىلگەندە وعان قالاي بولاتىنىن ۋايىمدايتىنمىن. بىراق مۇنىڭ ءبارى وزىمە كەرى اسەرىن تيگىزدى», دەپ جازادى زارداپ شەگۋشى.
ماڭعىستاۋ وبلىسى پوليتسيا دەپارتامەنتى وقيعاعا قاتىستى پىكىر ءبىلدىردى.
«پاترۋلدىك ەكيپاج بۇزاقىلىق ارەكەتتەردى توقتاتتى. وقيعاعا قاتىسۋشىلار انىقتالىپ, پوليتسياعا جەتكىزىلدى. دەنەگە جەڭىل جاراقات سالۋ دەرەگى بويىنشا سوتالدى تەرگەۋ باستالدى. تەرگەۋ شارالارى جۇرگىزىلىپ جاتىر», دەپ حابارلادى ۆەدومستۆو.
