وقيعا پاۆلودار وبلىسى, مايقايىڭ اۋىلىندا بولعان. اتالعان فاكتى بويىنشا جەرگىلىكتى پوليتسيا قىلمىستىق ءىس قوزعادى.
«زورلاۋ دەرەگى بويىنشا قىلمىستىق ءىس قوزعالدى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى», دەلىنگەن پاۆلودار وبلىسىنىڭ پوليتسيا دەپارتامەنتىنىڭ اقپاراتىندا.
پاۆلودار وبلىسى بويىنشا بالا قۇقىقتارى جونىندەگى ۋاكىل ساۋلە شاكەنەۆا سوتقا دەيىنگى تەرگەۋ ءجۇرىپ جاتقانىن راستادى.
ول سونداي-اق, ءوزىنىڭ تالابى بويىنشا ءجاسوسپىرىمدى اۋرۋحاناعا جىبەرىپ, ونىمەن پسيحولوگتار جۇمىس ىستەيتىنىن جەتكىزدى.
«مۇمكىن زورلىق-زومبىلىق بىرنەشە رەت بولعان شىعار, ارينە, بالاعا كومەك پەن تەكسەرۋ قاجەت. ءدال وسى كەزەڭدە مەكتەپ مۇعالىمى قىزدىڭ كۇيزەلىسىنە نازار اۋدارعانىن ايتا الامىن. ناتيجەسىندە بالا ءوز ماسەلەسىن اشىق ايتىپ بەرگەن», دەيدى ساۋلە شاكەنەۆا.
وبلىستىق بالا قۇقىقتارى جونىندەگى ۋاكىل ءىستى باقىلاۋدى جالعاستىرىپ, جابىرلەنۋشىگە قاجەتتى قولداۋ كورسەتەتىنىن ايتتى.
