فوتو: gov.kz
اقمولا وبلىسىنىڭ اقكول اۋدانىندا ورنالاسقان جوبا الەمدىك ەكولوگيالىق ستاندارتتارعا سايكەس كەلەتىن تۇراقتى تۋريزم ينفراقۇرىلىمىن قۇرۋعا باعىتتالعان.
جوبانىڭ العاشقى كەزەڭدەرىنىڭ ءبىرى 2023 جىلى قوناقتارعا ەسىگىن ايقارا اشقان Wyndham Residences Aqkol قوناق ءۇيىنىڭ ىسكە قوسىلۋى ەدى. اتالعان قوناقۇي – ەكولوگيالىق تۇراقتىلىقتىڭ جوعارى ستاندارتتارىن ەسكەرەتىن نىسان. ونىڭ قۇرىلىسىندا جاسىل ديزاين جانە ءپاسسيۆتى قۇرىلىس ادىستەرى, سونىڭ ىشىندە ەنەرگيانى ۇنەمدەيتىن تەحنولوگيالار مەن سۋدى ءسۇزۋ جۇيەسى پايدالانىلدى, بۇل – ەنەرگيا تۇتىنۋدى ايتارلىقتاي ازايتىپ قانا قويماي, قورشاعان ورتاعا اسەردى ازايتادى.
Wyndham Residences Aqkol قوناق ءۇيى قازىردىڭ وزىندە بۇۇ-نىڭ تۇراقتى دامۋ جونىندەگى جاھاندىق باستاماسىنا قاتىسادى, بۇل – جوبانىڭ حالىقارالىق ارەناداعى ماڭىزدىلىعىن كورسەتەدى.
قازاقستاندا العاشقى «جاسىل» كۋرورتتى ىسكە اسىرۋ ەكولوگيالىق تازا ءتۋريزمدى دامىتۋعا جانە ەلدىڭ «جاسىل» ەكونوميكاعا كوشۋىنە ماڭىزدى قادام بولادى.
