قوناقتاردى قارسى العان قسزي ديرەكتورى ەركىن تۇقىموۆتىڭ ايتۋىنشا ەكى ەلدىڭ كوپتەگەن ۇقساستىقتارى بار ءارى سوڭعى جىلدارى ساۋدا-ەكونوميكالىق قارىم-قاتىناستار تۇراقتى ءوسىپ وتىر.
«قازاقستان مەن ۆەتنام اراسىنداعى تاۋار اينالىمىنىڭ كولەمى 2023 جىلدىڭ ءبىرىنشى جارتىجىلدىعىندا وتكەن جىلدىڭ سايكەس كەزەڭىمەن سالىستىرعاندا 3,5 ەسەگە ارتىپ, 610,9 ميلليون دوللارعا جەتتى. اسەان ەلدەرى اراسىندا ۆەتنام حالىق سانى جانە ساتىپ الۋ قابىلەتى مۇمكىندىگىنە قاتىستى ءجىو بويىنشا 3-ءشى ورىندا (شامامەن $1,5 ملرد). بۇل وتاندىق ەكسپورتتى كەڭەيتۋ پەرسپەكتيۆاسىن ايقىندايدى», دەدى ە.تۇقىموۆ.
قسزي ديرەكتورى سونداي-اق وسى جىلدىڭ 25 مامىرىنان باستاپ ەكى ەلدىڭ ازاماتتارىنا ءبىر-ءبىرىنىڭ اۋماقتارىندا 30 كۇنگە دەيىن تۇرۋعا مۇمكىندىك بەرەتىن ۆيزاسىز رەجيم ەنگىزىلگەنىن ەسكە سالدى.
نگۋەن سۋان تحانگ ەكى ەل اراسىنداعى ىنتىماقتاستىقتىڭ سەرپىندى كەڭەيۋىنە نازار اۋداردى.
ء«بىزدىڭ ەلدەرىمىز اراسىندا ەجەلدەن كەلە جاتقان جاقسى قارىم-قاتىناستار بار, بۇل – ىنتىماقتاستىقتى, ونىڭ ىشىندە ساراپتامالىق-تالداۋ سالاسىن ودان ءارى دامىتۋ ءۇشىن زور الەۋەتكە يە», دەدى ول.
شارا شەڭبەرىندە حو شي مين ۇلتتىق ساياسي اكادەمياسى مەن پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتى اراسىندا ىنتىماقتاستىق تۋرالى مەموراندۋمعا قول قويىلدى.
ە.تۇقىموۆ مۇنى ماڭىزدى قادام دەپ اتاپ, وسى سالاداعى ناقتى ۇسىنىستارىن ايتتى.
ء«بىز Chatham House فورماتىنداعى ناقتى ماسەلەلەرگە باعىتتالعان بىرقاتار ونلاين سەسسيالاردى ۇسىنىپ وتىرمىز. ولارعا تەك جەتەكشىلەر عانا ەمەس, سونىمەن بىرگە زەرتتەۋشىلەر دە قاتىسىپ, اگروونەركاسىپتىك دامۋ, وڭدەۋشى ونەركاسىپ, ينۆەستيتسيالىق جانە ينفراقۇرىلىمدىق ىنتىماقتاستىق مۇمكىندىكتەرى سياقتى وزەكتى تاقىرىپتاردى تالقىلاي الادى», دەدى قسزي ديرەكتورى.
سونداي-اق, ۆەتنام دەلەگاتسياسىنىڭ ساپارى شەڭبەرىندە ەكى ەل اراسىندا ساۋدا, ەكونوميكا, ينۆەستيتسيا تۇرعىلارىندا ىنتىماقتاستىقتىڭ كەلەشەگى جانە ءبىلىم, عىلىم, اكادەميالىق الماسۋ سالالارىنداعى ءوزارا ءىس-قيمىلدى تەرەڭدەتۋ ماسەلەلەرىنە ارنالعان سەمينار ءوتىپ, وعان پارتيا جانە مەملەكەتتىك ورگانداردىڭ, عىلىمي ۇيىمداردىڭ جەتەكشىلەرى, سونداي-اق ەكى ەلدىڭ عىلىمي قاۋىمداستىعىنىڭ وكىلدەرى قاتىستى.
