فوتو: اشىق دەرەككوز
ساتباەۆ قالالىق سوتىنىڭ 2013 جىلعى 29 تامىزىنداعى شەشىمىمەن ت.-دان ن.-نىڭ پايداسىنا كامەلەتكە تولماعان 2 بالانى كۇتىپ-باعۋعا اليمەنت تولەۋ مىندەتتەلگەن ەدى. بىراق ازامات ت. سوت شەشىمىن ورىنداۋدان جالتارعان. سوندىقتان, 2017 جىلدىڭ 13 ناۋرىزىنداعى سوت ۇكىمىمەن قك-نىڭ 139-بابىمەن كىنالى دەپ تانىلىپ, وعان 1 جىلعا باس بوستاندىعىنان شەكتەۋ جازاسى تاعايىندالعان. دەگەنمەن, ول سوندا دا سوت ۇكىمىن ورىنداۋعا ق ۇلىقتىلىق تانىتپادى. اقىرىندا, ونى بۇرىنعى ايەلى قايتادان سوتقا بەرىپ, بارىنشا قاتاڭ جازا تاعايىنداۋ تالابىن قويدى. جابىرلەنۋشىنىڭ مۇنداي تالاپ قويۋىنىڭ سەبەبى, ت.-نىڭ قۇقىققا قايشى ارەكەتتەرىنىڭ ناتيجەسىندە 2024 جىلدىڭ 29 شىلدەسىنە دەيىنگى اليمەنت بەرەشەگىنىڭ جالپى سوماسى 4 412 029 تەڭگەنى قۇرايدى ەكەن.
سوتتالۋشى كىناسىن تولىق مويىنداپ, باس بوستاندىعىنان ايىرماۋدى سۇراعانىمەن, جابىرلەنۋشى ونىڭ سوزىنە سەنىمسىزدىك ءبىلدىرىپ, تالابىن كەرى قايتارىپ المايتىنىن مالىمدەدى.
مۇنداي جاعدايدا زاڭ تالابى نە دەيدى؟ قىلمىس كودەكسىنىڭ 139-بابىندا مۇنداي جاعدايدا سوتتالۋشى التى ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالاناتىنى كورسەتىلگەن.
