بۇل تۋرالى قازاقستان رەسپۋبليكاسىنىڭ تەرروريزمگە قارسى ورتالىعىنىڭ ءباسپاسوز قىزمەتى حابارلادى.
«9 قاراشادا ساعات 7:00 - 14:00 ارالىعىندا ەلوردالىق تەرروريزمگە قارسى كۇرەس جونىندەگى جەدەل شتابىمەن استانا قالاسى اۋماعىندا «ۆەتەرەناريا بويىنشا ۇلتتىق رەفەرەنتتىك ورتالىق» جاعدايىندا (ابايدىڭ 150 جىلدىعى كوشەسى, 22/3 ءۇي) تەرروريزمگە قارسى جوسپارلى وقۋ-جاتتىعۋ وتكىزۋ كوزدەلگەن», دەلىنگەن حابارلامادا.
ءىس-شارانىڭ ماقساتى – قۇقىق قورعاۋ جانە ارنايى قىزمەت ورگاندارى كۇش-قۇرالدارىنىڭ تەرروريزم قاۋىپتەرىنە قارسى جەدەل ارەكەت ەتۋ دايىندىعىن تەكسەرۋ.
وقۋ-جاتتىعۋ اياسىندا بەلگىلى دەڭگەيدە تىيىمدار مەن قالانىڭ كەيبىر اۋداندارىندا جاياۋ ءجۇرۋ جانە كولىك قوزعالىستارىنا ۋاقىتشا شەكتەۋلەر ەنگىزۋ قاراستىرىلعان.
«وسىعان وراي, ازاماتتاردى ءوتىپ جاتقان شاراعا تۇسىنىكپەن قاراۋعا, قاۋىپسىزدىك شارالارىن ساقتاۋعا, مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا, تەك رەسمي اقپارات كوزدەرىنە سەنۋگە جانە جالعان اقپاراتتاردىڭ تارالۋىنا جول بەرمەۋگە شاقىرامىز», دەلىنگەن ورتالىقتىڭ ءباسپاسوز قىزمەتى تاراتقان اقپاراتتا.
