فوتو: ماڭعىستاۋ وبلىسى اكىمدىگى
ايتا كەتەيىك, ماڭعىستاۋ وبلىسىندا ورنالاسقان بەينەۋ اۋىلى - ەلىمىزدەگى ەڭ ءىرى ەلدى مەكەن. 57 مىڭ تۇرعىن تۇراتىن اۋىلدىڭ جالپى اۋدانى 51 مىڭ گەكتاردى قۇرايدى.
جاقىن كۇندەرى بەينەۋدە تۇڭعىش رەت كينوتەاتر اشىلادى. قازىرگى تاڭدا سوڭعى دايىندىق جۇمىستارى جۇرگىزىلىپ جاتىر. اۋماعى 400 شارشىمەتر بولاتىن عيمارات 180 ورىنعا ارنالعان. بيلەت قۇنى 500 تەڭگەدەن باستالادى. مۇندا مانساپ ورتالىعى ارقىلى جۇمىسسىزدىق كەزەگىندە تۇرعان 10 ادام جۇمىسقا الىنادى.
سونداي-اق بەينەۋ اۋدانىندا العاشقى زاماناۋي كىتاپحانانىڭ قۇرىلىسى قارقىندى ءجۇرىپ جاتىر. بۇل جوبا مەملەكەت باسشىسى قاسىم-جومارت توقاەۆتىڭ جاستاردىڭ كىتاپقا دەگەن قىزىعۋشىلىعىن ارتتىرۋ جونىندەگى تاپسىرماسى اياسىندا جۇزەگە اسىرىلىپ جاتىر.
كولەمى 825 شارشى مەتر بولاتىن 2 قاباتتى عيمارات ءبىر مەزەتتە 62 ادامدى قابىلداي الادى. عيماراتتا وقۋشى بالالارعا, ەرەسەكتەرگە جانە مۇمكىندىگى شەكتەۋلى ادامدارعا ارنالعان 5 وقۋ زالى, كىتاپ ساقتاۋ قويماسى مەن ينتەرنەت جەلىسىمەن جابدىقتالعان ارنايى كابينەتتەر بار.
«جوسپار بويىنشا قۇرىلىس جۇمىستارى 2025 جىلدىڭ ءبىرىنشى جارتىجىلدىعىندا اياقتالادى. قازىرگى بەينەۋدىڭ ەسكى كىتاپحاناسى 218 123 دانا كىتاپ قورىن قامتيدى. كىتاپحانادا 62 قىزمەتكەر جۇمىس ىستەيدى. بيىل كىتاپحاناعا 89 مىڭ ادام كەلىپ, ولاردىڭ 26 765-ءى تۇراقتى وقىرمان رەتىندە تىركەلگەن», دەپ حابارلادى وبلىس اكىمدىگىنىڭ ءباسپاسوز قىزمەتى.
