فوتو: استانا قالاسى اكىمدىگى
قالالىق اكىمدىكتىڭ مالىمەتىنشە, وسى جىلى 33 اپاتتى ءۇيدىڭ تۇرعىندارى 703 پاتەرگە كوشىرىلەدى. 2013 جىلدان باستاپ 286 اپاتتى ءۇيدىڭ تۇرعىندارى قونىس اۋدارىپ, 4500-دەن استام وتباسى جاڭا قونىسقا جايعاسقان.
2023-2029 جىلدارعا ارنالعان تۇرعىن ءۇي قورىن جاڭارتۋ جوباسى اياسىندا 206 اپاتتى ءۇيدىڭ تۇرعىندارى استانادا 4 710 پاتەرگە كوشىرىلەدى.
«باعدارلاما اياسىندا باس جوسپارعا سايكەس بايقوڭىر اۋدانىنىڭ اۋماعىندا 865 ەسكى جانە ەسكىرگەن تۇرعىن ۇيلەر بۇزىلادى. ونىڭ ورنىنا كوپقاباتتى تۇرعىن ۇيلەر, 9 ءبىلىم بەرۋ مەكەمەسى, 7 دەنساۋلىق ساقتاۋ نىسانى, ونىڭ ىشىندە 4 ەمحانا, 3 مەديتسينالىق ورتالىق, 6 سپورت جانە مادەنيەت نىسانى, 27 كوممەرتسيالىق نىسان, ونىڭ ىشىندە سوو, بيزنەس-ورتالىقتار, قوناق ۇيلەر مەن پاركينگتەر, سونداي-اق 6 سكۆەر سالۋ جوسپارلانىپ وتىر», دەلىنگەن اكىمدىك حابارلاماسىندا.
بۇگىنگى تاڭدا اۋداندا كەنەسارى, اسان قايعى, تاراز كوشەلەرىنىڭ قيىلىسىنداعى ەسكى ۇيلەردى بۇزۋ جۇمىسى باستالعان. اپاتتى ۇيدەن كوشىرىلگەندەرگە قۇقىق بەلگىلەيتىن قۇجاتتارعا سايكەس بولمەلەر سانىنا جانە تۇراتىن ادامدار سانىنا قاراماستان, اۋدانى بويىنشا بىردەي مولشەردە, بىراق كەمىندە ءبىر بولمەلى جاڭا پاتەرلەر بەرىلەدى.
