فوتو: اشىق دەرەككوز
ءوتىنىش پروباتسيا رەجيمى تالاپتارىنىڭ بىرنەشە رەت بۇزىلۋىنا بايلانىستى ۇسىنىلعان.
سوتتالعان ازاماتتىڭ ۋاكىلەتتى ورگانعا حابارلاماستان اكىمشىلىك-اۋماقتىق بىرلىك شەگىنەن تىس جەرلەرگە شىعىپ, ول جەردە ويىن-ساۋىق مەكەمەلەرىنە بارعانى جانە ءوزىن «پرەزيدەنتتىڭ سىبايلاس جەمقورلىققا قارسى ساياساتىنا جاردەمدەسۋ ورتالىعى» كمم توراعاسىنىڭ كەڭەسشىسىمىن دەپ تانىستىرعاندىعى انىقتالعان.
سونىمەن قاتار قازاقستان رەسپۋبليكاسىنىڭ قۇرمەتتى ازاماتى رەتىندە ءىس-شارالارعا قاتىسىپ, تەلەارنالارعا سۇحبات بەرگەنى بەلگىلى بولدى.
بۇعان دەيىن اۋەزوۆ اۋداندىق سوتىنىڭ 2023 جىلعى 2 قاراشاداعى ۇكىمىمەن ا.قر قك-ءنىڭ 190-بابىنىڭ 4-بولىگىنىڭ 2-بولىگىمەن (الاياقتىق) كىنالى دەپ تانىلىپ, 5 جىلعا شارتتى تۇردە باس بوستاندىعىنان ايىرۋ جازاسى تاعايىندالعان.
«سوت شەشىمىمەن پروباتسيا قىزمەتىنىڭ ۇسىنىسى قاناعاتتاندىرىلدى. شارتتى جازا ناقتى جازاعا اۋىستىرىلدى. جازانى وتەۋ مەرزىمى 2024 جىلدىڭ 4 قاراشاسىنان باستاپ ەسەپتەلەدى», دەلىنگەن سوت حابارلاماسىندا.
