قازاق سپورتشىلارىنىڭ وتكەن اپتاداعى جارقىن ساتتەرى

اۋەسقوي بوكس: چەرنوگوريانىڭ بۋدۆا قالاسىندا وتكەن الەم چەمپيوناتىندا قازاقستان بوكسشىلارى ەل قورجىنىنا 17 جۇلدە (6 التىن, 1 كۇمىس, 10 قولا) سالدى.
 
كۇرەس: البانيانىڭ باس قالاسى تيرانادا وتكەن كۇرەس تۇرلەرىنەن الەم چەمپيوناتىندا (وليمپيادالىق ەمەس سالماقتاردا) قۇراما بالۋاندارى 1 التىن, 2 كۇمىس مەدال جەڭىپ الدى. ەركىن كۇرەس وكىلى نۇرقوجا قايپانوۆ (70 كگ) توپ جارسا, گرەك-ريم شەبەرى ەرجەت جارىلقاسىن (63 كگ), ال ايەلدەر كۇرەسىنەن ءجاميلا باقبەرگەنوۆا (72 كگ) كۇمىس مەدال يەلەندى.
 
تاەكۆوندو: قاتار استاناسى دوحادا ۇيىمداستىرىلعان حالىقارالىق تۋرنيردە ەلىمىزدىڭ ەرەسەكتەر قۇراماسى 8 التىن, 4 كۇمىس, 7 قولا مەدال ەنشىلەسە, كادەتتەر كومانداسى 5 التىن, 8 كۇمىس, 6 قولا مەدال ولجالادى.
 
شايبالى حوككەي: قىتايدىڭ بەيجىڭ قالاسىندا وتكەن ازيا چەمپيوناتىندا قازاقستان ايەلدەر قۇراماسى قولا جۇلدەگە يە بولدى.
 
ۇستەل تەننيسى: سلوۆاكيانىڭ سەنەتس قالاسىندا ۇيىمداستىرىلعان WTT Youth Contender تۋرنيرىندە جانيا بەكمۇحامبەتوۆا 11 جاسقا دەيىنگى بالالار اراسىندا ۇزدىك اتاندى.