فوتو: Halyq Uni
وبلىستىق پروكۋراتۋرانىڭ حابارلاۋىنشا, بىرلەسكەن جۇمىستار ناتيجەسىندە سينتەتيكالىق ەسىرتكىلەردى زاڭسىز جارنامالاۋ فاكتىسىنىڭ جولى كەسىلىپ, اقتاۋ قالاسىنىڭ ءۇش تۇرعىنىنان تۇراتىن توپ ۇستالعان.
«ۇستالعانداردان «مەف, سك, DUNE24CC, VPN» جازۋلارى بار ترافارەت, فلوماستەر, بالتا, بيتا, 20-دانا سىرلاۋعا ارنالعان باللونچيكتەر, 83 دانا جارناما پاراقشالارى, QR-كود جازىلعان بۋكلەتتەر جانە ت.ب. زاتتار, سونداي-اق ەسىرتكى زاتتارى تاركىلەنىپ الىندى», دەلىنگەن حابارلامادا.
اتالعان فاكتى بويىنشا قك-ءنىڭ 296-بابىنىڭ 4-بولىگىمەن جانە قك-ءنىڭ 299-1-بابىنىڭ 2-بولىگىنىڭ 1, 2) تارماقتارىمەن سوتقا دەيىنگى تەرگەپ-تەكسەرۋ امالدارى باستالعانى حابارلاندى.
كۇدىكتىلەر تەرگەۋ سوتىنىڭ سانكتسياسىمەن قاماۋعا الىنعان.
