جىلى جۇزبەن جايدارى قابىلداعان شەنەۋنىككە جۇمىسىنىڭ جاي-جاپسارىن جايىپ سالىپ, ء«سىز-بىزدەن شىج-بىج ارتىق» ەكەنىن بىلەتىن باسى ۇستەل ۇستىنە بەلى بۋىلعان بۋما تەڭگەنى قويعان بولدى.
شەنەۋنىك بۇنىڭ بۇل قىلىعىنا:
– پارا بەرىپ ساتىپ الماقشىسىڭ-ءا! ءبار-ءبارىن اقشا شەشەدى دەپ ويلايسىڭدار! جەمقورلىق, كوررۋپتسيا جايلاعان زامان! – دەپ كوزى شاتىناپ زىلدەنە سويلەگەندە, اقالاق ءاي بىتكەن جەرىم وسى ەكەن دەپ, بۇگىلىپ, بۇگەجەكتەپ قالعان بۇعان شەنەۋنىك تاقاپ كەلگەندە تىزەسى دىرىلدەي ورنىنان تۇرا الماي قالدى... جو-جوق, جىپىلىقتاي شەنەۋنىككە مويىن بۇرىپ ەدى, كوكەسى ك ۇلىمدەپ بۇنىڭ ارقاسىنان قاعىپ, مەيىرلى جۇزبەن قولىن قىستى...
ۇسىنىلعان جۇمساق الاقان مەن ك ۇلىمكوز جاناردان اقالاقتىڭ تىزە ءدىرىلى ساپ تىيىلىپ ەدى, شەنەۋنىك تۇرەگەلگەن قالپى:
– تۇبىمىزگە وسى جەتەدى! – دەپ, پارانىڭ كەسىر-كەساپاتى جونىندە جوڭكي جونەلىپ, بۇعان قاراتا اۋىزىنان اق يت كىرگىزىپ, كوك يت شىعارىپ بۇلقان-تالقان بۋسانسىن كەپ... ءسويتتى دە, بۇگەجەكتەي ءبۇرىسىپ قالعان بۇنىڭ ەڭسەسىن تىكتەپ قۇشاعىنا قىستى...
كەڭ دە كەرىم كۇشاقتان بوسانىپ كورىم بولىپ تۇر ەدى, ەسىك اشىلىپ, ەڭگەزەردەي ەكى جىگىت كىرىپ, بوساعاعا تالتايىپ تۇرا قالسىن...
اقالاق الاقتاپ ورنىنا بارىپ جايعاسقان كوكەسىنە قاراپ ەدى, قاھارلى قالپى:
– پارا الۋشىدان بۇرىن پارا بەرۋشىنى تۇنشىقتىرعان ءجون! – دەپ وسى توڭىرەكتە «تورە» ءسوزىن تۇيدەك-تۇيدەك توگىلتىپ بارىپ ەسىكتەگى ەكەۋگە ىمداپ ەدى, ەستيار ءوز ادامدارى ەكەن. بىردەن ءلام-ءميمسىز شەنەۋنىك نۇسقاعان, مانا اقالاق ۇسىنعان بۋما پاكەتتى لىپ ەتكىزىپ الىپ شىعا جونەلدى.
بۇل ساتتە اقالاق ء«بىراز جەرگە» بارىپ تا كەلدى... كوز الدى بۇلدىرلاپ, الدىنا تەمىر تور ەلەستەپ, بىتكەن جەرىم وسى دەپ وپىرىلىپ قالعان اقالاقتى كوكەسى قولتىقتاپ تۇرعىزىپ, قولىنا ءىس-قاعازدارىن بەرىپ ەسىككە دەيىن شىعارىپ سالدى.
ءبىر ءسات اقالاق ءوز-وزىنە كەلىپ ەس جيا قولىنداعى قاعازدارىنا كوز جۇگىرتىپ ەدى... قول دا قويىلعان, ءمور دە باسىلعان ەكەن...
بەرىك سادىر
