فوتو: سەناتتىڭ ءباسپاسوز قىزمەتى
دوڭگەلەك ۇستەل وتىرىسىنا اۋىل شارۋاشىلىعى, قارجى, ۇلتتىق ەكونوميكا, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ, سونداي-اق ۇلتتىق بانكتىڭ, قارجى نارىعىن رەتتەۋ جانە دامىتۋ اگەنتتىگى مەن باسقا دا ۇيىمداردىڭ وكىلدەرى قاتىستى.
جيىنعا قاتىسۋشىلار ينۆەستيتسيانى ىنتالاندىرۋ, فەرمەرلەردىڭ قارجىلىق ساۋاتىن ارتتىرۋ, شاعىن جانە ورتا بيزنەستى قولداۋ, سونداي-اق اگروونەركاسىپ كەشەنىندە باسەكەلەستىك ورتا قالىپتاستىرۋ ماسەلەلەرىن تالقىلادى.
ءالي بەكتاەۆتىڭ توراعالىعىمەن وتكەن كەزدەسۋدە مەملەكەت باسشىسى كوتەرگەن باستامالار نەعۇرلىم قولجەتىمدى قارجى قۇرالدارى ەسەبىنەن بيزنەستى دامىتۋعا جاردەمدەسە الاتىنىن, ول سايىپ كەلگەندە تۇراقتى جانە باسەكەگە قابىلەتتى ەكونوميكا قالىپتاستىرۋدى كوزدەيتىنىن اتاپ ءوتىلدى.
«اگروونەركاسىپ كەشەنىنىڭ اۋىلدا بۇگىنگى تاڭدا كاسىپكەرلىكتى دامىتۋعا كومەكتەسەتىن قارجى رەسۋرستارىنا قولجەتىمدىلىگىن قامتاماسىز ەتۋ ماڭىزدى. تۇراقتى جانە ءتيىمدى قولداۋ قۇرالدارىنا سۇيەنە وتىرىپ وندىرۋشىلەردىڭ ءوز قىزمەتىن سەنىمدى تۇردە جوسپارلاۋعا جانە كەڭەيتۋگە جاعداي جاساۋ – ءبىزدىڭ باستى مىندەتىمىز», دەدى ءالي بەكتاەۆ.
سالالىق مەملەكەتتىك ورگانداردىڭ وكىلدەرى ءوز كەزەگىندە اگروونەركاسىپ كەشەنىن دامىتۋدىڭ باسىمدىقتارى تۋرالى ويلارىن ورتاعا سالدى.
