فوتو: اشىق دەرەككوز
قايعىلى وقيعا «Build Invest» كومپانياسى سالىپ جاتقان تۇرعىن ءۇي كەشەنىندە بولعان. ليفت قۇلاپ, جۇمىسشى كوز جۇمعان.
«قاراعاندىدا سالىنىپ جاتقان تۇرعىن ءۇي كەشەنى نىساندارىنىڭ بىرىندە بولعان وقيعا بويىنشا تاۋ-كەن جۇمىستارىن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ, ابايسىزدا ادام ولىمىنە نەمەسە وزگە دە اۋىر زارداپتارعا اكەپ سوققان وقيعا بويىنشا قىلمىستىق ءىس قوزعالدى. قازىرگى ۋاقىتتا بىرقاتار ساراپتامالار تاعايىندالدى. وقيعانىڭ ءمان-جايى انىقتالىپ جاتىر», دەپ حابارلادى قاراعاندى وبلىسىنىڭ پوليتسيا دەپارتامەنتى.
سونىمەن قاتار تاعى ءبىر ادام ءتۇرلى دەنە جاراقاتىمەن اۋرۋحاناعا جەتكىزىلگەن.
ء«بىر ناۋقاس اۋىر حالدە پروفەسسور ح.ماقاجانوۆ اتىنداعى اۋرۋحاناعا جاتقىزىلدى», دەپ حابارلادى دەنساۋلىق ساقتاۋ باسقارماسى.
