Euronews بۇل تۋرالى دۇنيەجۇزىلىك ەكونوميكالىق فورۋمنىڭ بولجامدارىنا سىلتەمە جاساپ, مالىمدەدى. 2030 جىلعا قاراي 94 ميلليون ەۋروپالىق جۇمىسشى اۆتوماتتاندىرۋدىڭ دامۋىنا بايلانىستى قايتا وقىتۋدى قاجەت ەتەدى.
جاساندى ينتەللەكتتىڭ دامۋى قىزمەتكەرلەرگە ەڭ كوپ قاۋىپ توندىرەتىن سالالار انىقتالدى:
قوناق ءۇي جانە قوعامدىق تاماقتانۋ قىزمەتتەرى (94 پايىز)
ونەر (80 پايىز)
ساۋدا (68 پايىز)
قۇرىلىس (58 پايىز)
كولىك جانە لوگيستيكا (50 پايىز)
«زەرتتەۋشىلەر 2030 جىلعا دەيىن 21 ميلليون ادام ماماندىقتى اۋىستىرۋى مۇمكىن دەگەن قورىتىندى جاساپ وتىر. ولاردىڭ كوپشىلىگىندە جوعارى ءبىلىم جوق», دەپ كورسەتىلگەن ماتەريالدا.
سونىمەن قاتار دۇنيەجۇزىلىك ەكونوميكالىق فورۋمنىڭ مالىمەتىنشە, جاقىن جىلدارى باسقا باعىتتاردا دا جۇمىس ورىندارىنىڭ ەلەۋلى ءوسىمى كۇتىلەدى: شامامەن 69 ميلليون جاڭا ۆاكانسيا پايدا بولادى.
بىراق ەۋروپادا بۇل جۇمىس ورىندارى تەڭ دارەجەدە بولىنبەۋى مۇمكىن. ەۋروپالىقتاردىڭ 40%-ى قىسقارىپ جاتقان ەڭبەك نارىعى بار ايماقتاردا تۇرۋى مۇمكىن. زەرتتەۋدە وسى ايماقتاردى قولداۋ ءۇشىن قاشىقتان جۇمىس ىستەۋدى ىنتالاندىرۋ ۇسىنىلعان.
«قازىرگى ۋاقىتتا ەۋروپادا ەڭبەك ونىمدىلىگى بىرنەشە ەڭبەك نارىعىنا شوعىرلانعان, مىسالى, امستەردام, كوپەنگاگەن, لوندون, مادريد, ميۋنحەن جانە پاريج», دەلىنگەن ماتەريالدا.
بۇل قالالاردا ەۋروپا تۇرعىندارىنىڭ تەك 20%-ى تۇرادى, بىراق ولار ەۋروپا ءىجو-ءنىڭ 43%-نا, تازا جۇمىس ورىندارىنىڭ 35%-نا جانە 2007 جىلدان 2018 جىلعا دەيىنگى حالىقتىڭ ءوسۋىنىڭ 40%-نا جاۋاپ بەرەدى.
ەكىنشى جاعىنان, شىعىس جانە وڭتۇستىك ەۋروپادا قىسقارىپ جاتقان ەڭبەك نارىعى بار 438 ءوڭىر بار, وندا 30% حالىق تۇرادى. بۇل وڭىرلەر «جۇمىس كۇشى ازايۋى, قارت تۇرعىندار جانە تومەن ءبىلىم دەڭگەيىمەن» سيپاتتالادى.
