فوتو: اقوردا
كەزدەسۋدە مەملەكەت باسشىسى جوعارى دەڭگەيدە قول جەتكىزىلگەن ۋاعدالاستىقتاردى ساپالى ورىنداۋ ءۇشىن ەكى ەل ۇكىمەتتەرىنىڭ بىرلەسە كۇش-جىگەر جۇمىلدىرۋى كەرەك ەكەنىن اتاپ ءوتتى.
«بۇگىن ءسىزدىڭ ەلىڭىزگە پرەزيدەنت حۋرەلسۋحتىڭ شاقىرۋى بويىنشا ارنايى مەملەكەتتىك ساپارمەن كەلىپ وتىرمىن. قازاقستان مەن موڭعوليانىڭ اراسىنداعى ىنتىماقتاستىققا ستراتەگيالىق سيپات بەرۋ ءۇشىن ەكى ەل ۇكىمەتتەرى الدىندا تۇرعان مىندەتتەردى ايقىندادىق. شىن مانىندە, بىزگە ەكونوميكالىق بايلانىستارىمىزدى دامىتۋعا تىڭ سەرپىن بەرەتىن وتە ءىرى جوبالار قاجەت», دەدى قاسىم-جومارت توقاەۆ.
مەملەكەت باسشىسى تاۋ-كەن ونەركاسىبى, اۋىل شارۋاشىلىعى, كولىك-لوگيستيكا, تۋريزم جانە ءبىلىم سالالارىنداعى بىرلەسكەن باستامالاردى جۇزەگە اسىرۋدىڭ ماڭىزىنا توقتالدى.
پرەمەر-مينيستر لۋۆساننامسراين ويۋن-ەردەنە مەملەكەتتەر باسشىلارى دەڭگەيىندە قابىلدانعان شەشىمدەردى موڭعوليا ۇكىمەتى ورىنداۋعا دايىن ەكەنىن راستادى. ونىڭ ايتۋىنشا, ۇلان-باتىر قازاقستاننىڭ دامۋ جولىن ءجىتى زەرتتەيدى.
