فوتو: polisia.kz
بۇل وقيعا پوليتسەيلەرگە الەۋمەتتىك جەلىدەگى جازبالاردى باقىلاۋ كەزىندە ءمالىم بولعان.
كۋاگەرلەردىڭ ۆيدەوسىندا بۇزاقىنىڭ اۆتوبۋستىڭ ەسىگىن تەۋىپ, ودان كەيىن پىشاق سياقتى زاتتى سىلتەپ, جۇرگىزۋشىنى قورقىتقانى بايقالادى.
پوليتسەيلەر ونى ۇستاۋ بارىسىندا قالادا ورناتىلعان بەينەباقىلاۋ جۇيەلەرىنە تالداۋ جاساعان.
«وقيعا 21 قازان تاڭەرتەڭگى ۋاقىتتا نازارباەۆ پەن رايىمبەك داڭعىلدارىنىڭ قيىلىسىنداعى قوعامدىق كولىكتەردىڭ سوڭعى ايالداماسىندا بولعانى انىقتالدى. ول ۇستالىپ, ۋاقىتشا ۇستاۋ يزولياتورىنا ورنالاستىرىلدى. بۇزاقىلىق دەرەگى بويىنشا قىلمىستىق ءىس قوزعالدى. تەرگەۋ بارىسىندا كۇدىكتى مەن اۆتوبۋس جۇرگىزۋشىسى اراسىنداعى كيكىلجىڭ ايالداما ورنىندا تۇرعان كولىككە ءوتىپ بارا جاتقان ادامنىڭ ءمىنۋ نيەتىنەن تۋىنداعانى بەلگىلى بولدى. جۇرگىزۋشى وعان ەسكەرتۋ ايتقاندا, ءوتىپ بارا جاتقان ادام قۇرىلىس پىشاعىن شىعارعان. ەشكىم زارداپ شەككەن جوق», دەدى جەتىسۋ اۋداندىق پوليتسيا باسقارماسىنىڭ باستىعى جانىبەك شىناسىلوۆ.
