فوتو: instagram.com/azamat_sarsenbayev
ازامات سارسەنباەۆتىڭ ايتۋىنشا, قىرىلعان يتبالىقتار قىزىل كىتاپقا ەنگەن.
يتبالىقتاردىڭ جاپپاي قىرىلۋ سەبەبىن اۋىل شارۋاشىلىعى مينيسترلىگى زەرتتەۋگە كىرىسكەن. مينيسترلىك كاسپي جاعالاۋىنا مونيتورينگ جۇرگىزۋ ءىسى جالعاسىپ جاتقانىن دا مالىمدەدى.
«24 قازاندا جايىق-كاسپي وبلىسارالىق باسسەينى بالىق شارۋاشىلىعى ينسپەكتسياسىنىڭ قىزمەتكەرلەرى تۇپقاراعان اۋدانىندا كاسپي تەڭىزىنىڭ جاعالاۋىنا مونيتورينگ جۇرگىزۋ بارىسىندا يتبالىقتاردىڭ ولەكسەسىن تاپتى. ول جەرگە ينسپەكتسيا, جەرگىلىكتى اتقارۋشى ورگاندار, گيدروبيولوگيا جانە ەكولوگيا ينستيتۋتى, «Qazaq balyk» رەسپۋبليكالىق بالىق شارۋاشىلىعى جانە اكۆا-مادەنيەت قاۋىمداستىعى فيليالىنىڭ وكىلدەرى جەدەل جەتتى. يتبالىقتاردىڭ قىرىلۋ سەبەبى ءتيىستى زەرتحانالىق زەرتتەۋلەردەن كەيىن بەلگىلى بولادى», دەلىنگەن اۋىل شارۋاشىلىعى مينيسترلىگىنىڭ حابارلاماسىندا.
