فوتو: اشىق دەرەككوز
وزبەكستان باس پروكۋراتۋراسىنىڭ مالىمەتىنشە, 26 قازانعا قاراعان ءتۇنى قيبراي اۋدانىنداعى يفور كوشەسىندە اللامجونوۆتىڭ Range Rover كولىگىنە ەكى ادام بىرنەشە رەت وق اتقان. وقيعا سالدارىنان ەشكىم زارداپ شەكپەگەن, قىلمىستىق كودەكستىڭ 97-بابى (قاساقانا كىسى ولتىرۋگە وقتالۋ) جانە 248-بابى (زاڭسىز قارۋ اينالىمى) بويىنشا قىلمىستىق ءىس قوزعالعان.
«جەدەل ىزدەستىرۋ ءىس-شارالارى اياسىندا وسى قىلمىستى جاساعانداردىڭ ءبىرى انىقتالىپ, كۇدىكتى رەتىندە ۇستالدى», دەلىنگەن باس پروكۋراتۋرانىڭ حابارلاماسىندا.
ەسكە سالا كەتەيىك, بۇعان دەيىن باق شابۋىلدىڭ 26 قازان كۇنى ساعات تۇنگى 1:30 شاماسىندا قيبراي اۋدانىنداعى كوميل اللامجونوۆتىڭ ءۇيىنىڭ جانىندا بولعانىن حابارلاعان بولاتىن. بەلگىسىز ەكى ادام ول وتىرعان كولىككە بىرنەشە رەت وق اتىپ, وقيعا ورنىنان بوي تاسالاعان. اللامجونوۆ جاراقات العان جوق.
